Асли яманлик бўлган Ҳиндистон миллиардери Мукеш Амбани ҳозирда 66 ёшда бўлиб, унинг умумий бойлиги 117 миллиард долларни ташкил этади. У дунёнинг энг бадавлат тадбиркорлари рейтингида 9-ўринни эгаллайди.
Баҳорнинг илк кунларида ўғлининг никоҳ тўйидан олдин уюштирган бир неча кунлик базм туфайли Амбанилар оиласи катта шов-шувларга сабаб бўлган эди. Амбанилар оиласи ҳозирда энг қимматбаҳо уйлар рейтингида иккинчи ўринни эгаллаган Антилия номли кўп қаватли ноёб уйда истиқомат қилади.
Бинонинг баландлиги 173 метр бўлиб, 27 қаватдан иборат. Антилия тахминан 37 000 м/кв майдонга эга, бу Рейхстагдан (13 290 м/кв) деярли уч баравар катта демакдир. Минора шаклидаги сарой Ҳиндистоннинг Мумбай шаҳридаги Алтамоунт кўчасида жойлашган. Саройда Мукеш ва унинг рафиқаси, миллиардернинг онаси Кокилабен Амбани, шунингдек, жуфтликнинг уч фарзанди — эгизак ўғиллари Анант ва Акаш, ҳамда қизи Иша оиласи билан яшайди.
Бино 2006—2010 йилларда чикаголик архитекторлар Perkins&Wилл лойиҳаси бўйича қурилган. Маълум бўлишича, миллиардернинг рафиқаси 60 ёшли Нита Амбани Нью-Йоркдаги Мандарин Orientал меҳмонхонасида қолганда Марказий боғни кўриб ноодатий уй қуриш ғоясини ўйлаб топган.
Уй 8 балли зилзилага бардош бера олади. Бино фен-шуй таълимотига асосланиб, асосан квадрат шаклдаги дизайнда қурилган. Шунингдек, Амбани турар жой мажмуаси фасади салқинликни таъминлаш учун ўсимликлар билан қопланган.
Бино ичида бир неча қаватли боғлар бўлиб, улар яшаш хоналари ва машиналар тураргоҳини бир-биридан ажратиб туради. Мазкур тураргоҳда миллиардерларнинг 170 дан ортиқ қимматбаҳо бренд остидаги машиналари мавжуд. Масалан, пушти Rolls-Royce Phantom машинаси Нита Амбанига тегишли.
Олти қаватдан иборат машиналар гаражида турли эксклюзив суперкарларни учратиш мумкин: Mercedes-Maybach С600 Guard, BMW 760Ли, Ferrari 812 Superfast, Bentley Bentayga, Lamborghini Урус, Maserati Леванте ва Rolls-Royce.
Вестибюлда турар жойларга ва гаражга олиб борадиган тўққизта лифт ишлайди, улардан икки нафари хизматчилар учун мўлжалланган.
Миллиардер рафиқаси Нита Амбани учун алоҳида рақс студияси, кафе ва музқаймоқ зали, ибодатхона, спа-марказ, ёга зали ва ҳатто қордан иборат махсус хона бор!
Қорли хона Ҳиндистоннинг жазирамасини унутишга ёрдам беради.
Амбани оиласи учун 600 га яқин ходим хизмат қилади ва Ҳиндистондаги ўртача ойликдан юқорироқ маош олади. Мисол учун, Индиан Тимес газетаси маълумотларига кўра, шахсий ошпаз ойига тахминан 200 000 ҳинд руписи олади, бу 2400 долларга тенг. Таққослаш учун, Ҳиндистонда ўртача иш ҳақи ойига тахминан 400 долларни ташкил қилади.
Бинонинг харажатлари ойига ўртача 30 минг долларни талаб этади.
Изоҳ (0)