Киви энг севимли ва фойдали қишки мевалардан бири ҳисобланади. Унинг мавсуми ноябрдан апрелгача. Ушбу меваларнинг момиқ пўстлоғи остида C витаминига бой сувли яшил қисм яширинган. Пишган мева бироз юмшоқ, пишмаганлари эса қаттиқ бўлади, деб ёзади Elle.
Эксперт, ошпаз, «ЗОЖигай» онлайн соғлом овқатланиш академиясининг асосчиси, қаришга қарши ошхона бўйича маҳорат дарслари муаллифи Сергей Леонов экзотик меванинг афзалликлари ҳақида кўпроқ маълумот бериб ўтди.
Киви Янги Зеландиянинг киви қуши шарафига номланган, аммо меванинг ватани Хитой ҳисобланади. Шунинг учун у хитой крижовниги деб ҳам аталади. Қадимги Хитой тиббиёти шифокорлари киви мевасини фойдалилиги бўйича биринчи ўринга қўйган ва уни витамин, минерал ва антиоксидантлар бўйича мевалар орасида чемпион деб атаган.
100 грамм кивида асаб тизимини мустаҳкамловчи 20 мг магний мавжуд. Агар ҳар куни ширинлик ўрнига киви истеъмол қилинса, хотиржамликни ҳис қилиш мумкин ва кечаси тинчлантирувчи воситалардан фойдаланиш шарт эмас. Мутахассиснинг таъкидлашича, замонавий курорт марказларида кивили смузилар менюда бўлиши керак, шунингдек, магнийли минерал ванна процедураси ҳам. Чунки иммунитет тизимини ички ва ташқи томондан ҳам мустаҳкамлаш лозим.
Албатта, киви жуда кўп фруктозани ўз ичига олади, бу организмга энергия беради. Агар эрталаб уйғониш қийин бўлса, нонушта қилишдан олдин киви мевасини истеъмол қилиш керак: фруктоза шакар эспрессо каби иш беради. Бош бир зумда ишлай бошлайди, офисга ёки ўқишга тайёргарлик кўриш қийин бўлмайди. Бироқ тушликкача очликни ҳис қилмаслик учун нонуштада мураккаб углеводларни истеъмол қилишни унутмаслик лозим. Фақат кивининг ўзини истеъмол қилиш мумкин эмас.
Киви таркибида кўп миқдорда C витамини мавжуд. Рационга ушбу мевани қўшиш орқали тери ҳолатини яхшилаш мумкин. Айнан C витамини терига ёрқинлик беради, шунингдек, коллаген ишлаб чиқаришни рағбатлантиради.
Энг муҳими, киви оқсил парчаланишининг маҳсулоти бўлган зарарли азотли моддаларни организмдан чиқариб ташлашга қодир. Агар кўп миқдорда ўсимлик ва ҳайвон оқсили истеъмол қилинса, текширувдан ўтиш ва қон зардобидаги карбамид ва креатин таркибини аниқлаш лозим. Улар саратон ривожланиш хавфини келтириб чиқарадиган компонентлардир. Кивининг азотли токсинларни организмдан чиқариб ташлаш қобилиятини ҳақиқий хитой мўъжизаси деб ҳисоблаш мумкин.
Изоҳ (0)