29 ёшли миллиардер Анант Амбани ва Радҳика Мерчантнинг бир неча ой давом этган йилнинг энг шов-шувли тўйи учун оила 600 миллион доллардан ортиқ маблағ сарфлади. Бироқ бундай сумма Амбанилар оиласи учун океандан бир томчидек гап, чунки бундай дабдабали байрам миллиардерлар оиласи бойлигининг атиги 0,5 фоизини ташкил қилади. Амбаниларга тегишли дунёнинг турли чеккаларидаги ҳашаматли кўчмас мулклар бунинг далилидир.
- Чорвад (11 миллион доллар)
Анантанинг бобоси, Reliance Industries Limited компанияси асосчиси Дҳирубҳаи Амбани болалигини Ҳиндистоннинг Гужарот шаҳридаги 100 йиллик тарихга эга ҳашаматли уйда ўтказган. Кўчмас мулк 0,5 гектар майдонда жойлашган бўлиб, оилавий, экскурсиялар учун очиқ бўлган жамоат ва хусусий ҳудудларга ажратилган.
Ҳозирда мазкур жой Дҳирубҳаи Амбани ёдгорлик уйига айланди. Унинг авлодлари мунтазам равишда бинони реконструкция қилади ва унинг тарихий кўринишини сақлаб қолишга ҳаракат қилади.
- Антилия (2 миллиард доллар)
Амбанилар оиласи ҳозирда энг қимматбаҳо уйлар рейтингида иккинчи ўринни эгаллаган Антилия номли кўп қаватли ноёб уйда истиқомат қилади. Ушбу уйда Анант Амбани ва Радҳика Мерчант уч кунлик тўйини нишонлаган эди. Бинонинг баландлиги 173 метр бўлиб, 27 қаватдан иборат. Антилия тахминан 37 000 квадрат метр майдонга эга, бу Рейхстагдан (13 290 кв/м) деярли уч баравар катта демакдир. Минора шаклидаги сарой Ҳиндистоннинг Мумбай шаҳридаги Алтамоунт кўчасида жойлашган.
Саройда Мукеш ва унинг рафиқаси, миллиардернинг онаси Кокилабен Амбани, шунингдек, жуфтликнинг уч фарзанди — эгизак ўғиллари Анант ва Акаш, ҳамда қизи Иша оиласи билан яшайди. Антилияда 3 та вертолёт майдончаси, 168 та машина учун тўхташ жойи, бир нечта сузиш ҳавзалари, ибодатхона, кинотеатр, қорлардан иборат хона ва боғлар мавжуд. Ушбу бино Букингем саройидан кейин дунёдаги иккинчи энг қиммат қароргоҳга айланди.
- Stock Park (73 миллион доллар)
Амбаниларга тегишли Reliance Industries компанияси ушбу тарихий бинони ва унга қарашли ҳудудни уч йил аввал жуда катта пулга сотиб олган. У Буюк Британиянинг Бакингемшир графлигида жойлашган. 121 гектар майдонга эга ҳудудда 49 хонали меҳмонхона, 13 та теннис корти ва улкан голф майдони мавжуд.
- Mandarin Orientал (98 миллион доллар)
2022 йилда Мукеш Амбани Нью Йоркдаги беш юлдузли меҳмонхонага сармоя киритди. Reliance Industries компанияси мазкур кўнгилочар марказнинг 73,4 фоиз улушини сотиб олди.
- Villa Palm Jumeirah (80 миллион доллар)
2022 йил Амбани оиласи бир нечта янги кўчмас мулкларни харид қилди. Жумладан, Мукеш Амбани ўз ўғли Анант учун Дубайдаги Палм Жумейра сунъий оролидан 10 хонали вилла сотиб олди.
Изоҳ (0)