Баъзи касалликлар мавжуд бўлганда, цитрус меваларни истеъмол қилиш организмга зарарли бўлиши мумкин. Кўпчилик мандариндан байрам дастурхонини безатишда фойдаланади. Бу мева совуқ мавсумда иммунитет учун жуда зарур бўлган C витаминига бой ва шунингдек, терининг гўзаллиги ва кўриш ўткирлиги учун фойдали бўлган жуда кўп миқдордаги А витаминини ўз ичига олади.
Цитрус меваларда овқат ҳазм қилишни яхшилайдиган клечаткалар мавжуд ва уларнинг эфир мойлари ҳавони дезинфекция қилади, кайфиятни кўтаради ва хавотирланишни камайтиради. Бироқ айрим ҳолатларда мандарин истеъмол қилиш организм учун зарарли бўлиши мумкин.
Жигар ва буйраклар касалликлари
Ўткир нефрит (буйрак тўқималарининг шикастланиши), гепатит (жигар яллиғланиши) ва холетцистит (ўт пуфагининг яллиғланиши) ҳолатларида мандарин истеъмол қилмаган маъқул.
Ошқозон-ичак тракти билан боғлиқ муаммолар
Мандаринларда ошқозон-ичак шиллиқ қаватини безовта қиладиган кислота мавжуд, шунинг учун улар ошқозон ёки ўн икки бармоқли ичак яраси бўлган беморларга тавсия қилинмайди. Гастрит билан оғриган инсонлар мандарин истеъмол қилишда эҳтиёт бўлиши керак, чунки мевали кислоталар ичак ва ошқозон шиллиқ пардаларини безовта қилади. Саломатлигингизга эътибор қаратинг ва шифокор тавсияларига амал қилинг.
Аллергия
Цитрус мевалар аллергия билан боғлиқ терининг қичиши, тошмалар, терининг қизариши ва лакримация пайдо бўлишига олиб келиши мумкин.
Лаборатория текширувлари билан аллергиянгиз бор-йўқлигини текширишингиз мумкин. Phadiatop ImmunoCAP (Fadiatop Immunocap) аллергия диагностикасининг «олтин стандарти» ҳисобланади ва катталар, болалар учун мос келади.
Таҳлил тўлиқ хавфсиз, у стандарт қон намунаси бўйича амалга оширилади, бемор ўрганиш давомида аллерген билан алоқа қилмайди, тери тестларидан фарқли ўлароқ, аллергик реакция визуал тарзда баҳоланади.
Қизиқарли факт. Ситрус мевалари энг кенг тарқалган аллерген эмас. Озиқ-овқат маҳсулотлари аллергенлари орасида: сут, тухум, балиқ, ёнғоқ, буғдой, соя, денгиз маҳсулотлари, ерёнғоқ «етакчи»лар ҳисобланади.
Озиқ-овқат интолеранси
Кўп ҳолларда яширин озиқ-овқат интолеранси мавжуд бўлиб, у меъёридан ортиқ мандарин истеъмол қилсангиз ўзини намоён қилади. Махсус FOX тести (Food Xplorer) ёрдамида озиқ-овқат интолерансиясини текширишингиз мумкин.
Унинг натижалари 286 аллергенга индивидуал реакция ҳақида батафсил маълумот беради, шахсий парҳезни — соғлом ва хавфсиз овқатланиш тизимини яратишга имкон беради.
Ҳомиладорлик ва лактация даврида
Бу ҳолатда цитрус меваларини истеъмол қилиш қатъиян чекланмаса ҳам, уларни емаган маъқул. Агар аёл аллергияга мойил бўлса, мандаринни умуман истеъмол қилмаслиги ва шифокор билан маслаҳатлашиши керак.
Агар контрендикациялар бўлмаса, мандаринлар фойдали ҳисобланади. Бироқ мандаринни меъёрида истеъмол қилиш керак. Катта инсонлар кунига тўрт-бешта, болалар эса икки дона мандарин ейиши тавсия этилади.
Мавзуга доир:
- Тетиклик ва яхши кайфият учун: мандарин, ананас, банан ва фойданинг кони бўлган бошқа қишки маҳсулотлар.
- Мандарин танлаш бўйича лайфхак: қайси бири ширин ёки нордон, қандай сақлаш керак?
- Мандарин истеъмол қилганда организмда қандай ўзгариш юз беради?
- Байрам шукуҳини улашувчи мева — мандарин қандай фойдали хусусиятларга эга?
Изоҳ (0)