“Барселона” ўзини Каталония клуби ҳужумчиси Роберт Левандовскининг агенти Пини Захавининг сифатида кўрсатган фирибгарга 1 миллион евро ўтказди.
Манбага кўра, “Барселона” агент билан тузилган шартномага пул ўтказган, бироқ ўтказмани амалга оширувчи банк транзакцияни блоклаб, маблағни қайтариб берган.
Маълумот учун “Барселона” 36 ёшли Роберт Левандовски ўрнига узоқ “Ньюкасл” ҳужумчиси 25 ёшли Александр Исак ва “Ливерпуль” ҳужумчиси Дарвин Нунесни олиб келиш ниятида.
Каталония клубининг асосий трансфер мақсади “Манчестер Сити”нинг 24 ёшли ҳужумчиси Эрлинг Ҳоланд бўлиб турибди. Норвегиялик футболчи билан шартнома имзоланмаса, устунлик Исакга берилади.
Жорий мавсумда 36 ёшли Левандовски барча мусобақаларда 11 та учрашувда иштирок этиб, 12 та гол ва 2 та голли узатмага муаллифлик қилган. Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
Изоҳ (0)