Криштиану Роналду йилнинг энг яхши тўпурарига бериладиган совринни қабул қилиб олади.
38 ёшли ҳужумчига 19 январь куни 2023 йил якунларига кўра энг яхшилар тақдирланадиган Globe Soccer Awards—2023 маросимида “Марадона соврини” топширилади.
Роналду 2023 йилда 59 та ўйинда иштирок этиб, 54 та голга муаллифлик қилди. Бу борада португалиялик футболчи Килиан Мбаппе (53 ўйинда 52 та гол), Ҳарри Кейн (57 ўйинда 52 та гол) ва Эрлинг Ҳоландларни (60 ўйинда 50 та гол) ортда қолдирди.
Қайд этиб ўтиш жоиз, 2021 йилда Марадона номидаги совринни Роберт Левандовски қўлга киритган эди. 2022 йилда эса соврин ҳеч кимга берилмаган.
Изоҳ (0)