Салвадор ҳуқуқ-тартибот идоралари ходимлари республика қирғоқлари яқинида икки тонна кокаинни мусодара қилишга муваффақ бўлди.
Бу ҳақда мамлакат президенти Найиб Букеле Х ижтимоий тармоғида ёзган.
Унга кўра, Эстеро-де-Жалтепеке кўрфазидан 752 км жануби-ғарбда уч колумбиялик 50 миллион долларлик гиёҳванд моддаларни олиб кетаётган кема қўлга олинган.
Букеленинг таъкидлашича, сўнгги саккиз ой ичида Салвадор ҳуқуқ-тартибот идоралари халқаро сувларда 15 тоннадан ортиқ кокаинни мусодара қилган, уларнинг нархи тахминан 380 миллион долларни ташкил қилади.
Аввалроқ Мексика Ҳарбий-денгиз кучлари вазирлиги Мичоакан штати қирғоқлари яқинида департамент тарихидаги энг йирик партия бўлган оғирлиги 8,3 тоннадан ортиқ наркотик моддаларни мусодара қилгани маълум этилганди.
“Мусодара қилиш ҳажми бўйича рекорд ҳисобланган операцияда ҳарбий хизматчилар тахминан 8361 кг наркотик моддани қўлга олишди. Наркотик моддаларни олиб кетаётган 23 нафар шахс ҳозирда қамоқда”, дейилган баёнотда.
13 ноябрь куни Сурхондарёда Cobalt’да 50 килодан ортиқ наркотик модда олиб кетаётган шахс қўлга тушгани хабар қилинган.
Изоҳ (0)