2022 йилдан буён АҚШга ноқонуний йўллар билан келган 102,1 минг нафар киши Американинг Техас штатидан чиқариб юборилди, дейилади штат губернатори Грег Эбботт сайтидаги баёнотда. Энг кўп мигрант (37,5 минг нафар) Нью-Йоркка олиб кетилган.
Губернатор веб-сайтидаги баёнотга кўра, 2022 йилдан бери Техасдан қуйидаги миқдорда мигрантлар чиқариб юборилган:
- Вашингтонга 12,5 мингдан ортиқ мигрант;
- Нью-Йоркка 37,5 мингдан ортиқ мигрант;
- Чикагода 31,2 мингдан ортиқ мигрант;
- Филадельфияга 3,4 мингдан ортиқ мигрант;
- Денверга 16 мингдан ортиқ мигрант;
- Лос-Анжелесга 1,5 мингдан ортиқ мигрант.
Бундан ташқари, Техас ҳуқуқ-тартибот идоралари Lone Star деб номланган ноқонуний иммиграцияга қарши операция доирасида опиоид фентанил гиёҳванд моддасининг 454 миллиондан ортиқ дозасини мусодара қилди.
“Мусодара қилинган ҳар бир унсия гиёҳванд модда президент Жо Байденнинг очиқ чегара сиёсати туфайли Техас ва бутун мамлакат бўйлаб тарқалиши мумкин эди”, — дейилади баёнотда.
CNN маълумотларига кўра, биргина 2023 йил декабрида 225 минг киши Америка чегарасини ноқонуний кесиб ўтган, бу 2000 йилдан бери рекорд кўрсаткичдир. Техас штати раҳбарияти АҚШ ҳудудига бостириб кириш содир бўлганини эълон қилди (конституцияга кўра, бу штатга кўпроқ ваколатларни қўллаш имконини беради). Кейинчалик, Техас Миллий гвардияси Мексика билан чегарада тиканли сим ўрнатди.
22 январь куни АҚШ Олий суди Жо Байден ташаббуси билан Мексика билан чегарадаги сим тўсиқларни олиб ташлашни буюрди. АҚШ маъмуриятининг таъкидлашича, тўсиқлар федерал чегара патрул хизмати ходимларига мигрантларни ҳибсга олиш ва уларга қонун талабига биноан керак бўлганда ёрдам кўрсатишга тўсқинлик қилади.
Изоҳ (0)