Европа Иттифоқида хавфли наркотик — фентанилнинг тобора оммалашиб бораётгани минтақада янги “қора вабо”ни келтириб чиқариши мумкин. Бу ҳақда Европарламентнинг (ЕП) италиялик депутати Паоло Инселвини маълум қилди.
“Афсуски, Европа Иттифоқида гиёҳванд моддалар ва опиоидларни истеъмол қилиш доимий равишда ўсиб бормоқда. 2021 йилда 87,4 миллион нафар Европа фуқароси гиёҳванд моддалар қабул қилган, улардан бир миллиони опиоидларни тиббий кўрсатмасиз истеъмол қилган.
Бу ташвишли тенденция. Ҳозирда Америка Қўшма Штатларида назоратсиз ҳолда тарқалаётган бу гиёҳванд модда Европада миллионлаб одамларнинг ҳаётини йўқ қилишга олиб келиши мумкин”, деди Паоло Инселвни.
Аввалроқ АҚШнинг собиқ президенти Дональд Трамп Қўшма Штатларда гиёҳванд моддалар савдоси билан шуғулланувчилар учун ўлим жазосини жорий этишни таклиф қилган эди. 2023 йилда Федерал Касалликларни назорат қилиш ва олдини олиш марказлари мамлакатда Мексикадан олиб келинган фентанилни истеъмол қилиш туфайли юзага келган ўлимлар сони деярли тўрт бараварга ошганини хабар қилганди.
Изоҳ (0)