Эль Чапо (Пакана) лақаби билан машҳур бўлган дунёнинг энг машҳур жиноятчиси мексикалик наркобарон Хоакин Гусман ўзига қаратилган 10 та жиноятларда айбдор деб топилди. Бу ҳақда BBC хабар берди.
Бруклин федерал суди тўрт ой давомида Гусманга қаратилган айбловларни кўриб чиққан. Унга кўра, Гусман АҚШда 25 йил давомида 155 тонна кокаин, шунингдек бошқа гиёҳванд моддалар — метамфетамин ва марихуанани ноқонуний олиб киришда айбдор деб топилган.
61 ёшли Гусман АҚШда 20 йил давомида энг кўп қидирилувчи жиноятчи бўлган ва 2013 йилда жиноий ишлар бўйича Чикаго Комиссияси томонидан «биринчи рақамли халқ душмани» деб топилган.
У бир неча марта Мексика қамоқларидан қочиб кетишга эришган. Гусман 2017 йилнинг январь ойида АҚШга экстрадиция қилинган. У Нью-Йорк судида ўзига қўйилган бирорта айбловларни тан олмаган. Уч ой давом этган суд жараёнида 56 нафар гувоҳ иштирок этган. Уларнинг 14 нафари жиноятчилар эди. Аммо кейинчалик айбини юмшатиш мақсадида улар терговга ҳамкорлик қилишни бошлаган.
Прокуратура CW1 коди бўйича кодланган гувоҳнинг маълум қилишича, Эль Чапо вояга етмаган қизларни, баъзан 13 ёшлиларни зўрлаб келгани ҳақидаги бир неча ҳужжатларни ошкор қилган. У шунингдек, сиёсатчиларни ҳам пора бериб ўзига оғдириб олгани, хусусан, Мексика президенти Мексики Энрике Пеня Нетога 100 миллион доллар пора бергани маълум бўлган.
Эль Чапо ўнта модда бўйича айбдор деб топилган ва эҳтимол умрбод қамоқ жазосига маҳкум этилиши мумкин. АҚШ Мексикага уни қатл этмасликка ваъда берган.
Изоҳ (0)