Шубҳасиз, куз мавсумида кўпчилик адёлга ўраниб, иссиққина хушбўй чой ҳўплаб, сеҳрли кино оламига шўнғишни хоҳлайди. Шу истакни инобатга олган ҳолда қуйидаги фильмларнинг барчаси кузги илиқлик ва озгина сеҳр бера олади деган умиддамиз.
«Нарния йилномалари» (2010)
IMDb рейтинги - 6,3
«Нарния йилномалари» трилогиясининг сўнгги қисмида ҳам томошабинлар ўзлари севиб қолган қаҳрамонларни яна кўришади. Ушбу фильмда қаҳрамонлар Каспиан отанинг дўстларини топиш учун кемада сузиб кетади. Айтганча, фильмнинг визуал эффектларига «Узуклар ҳукмдори» фильмига раҳбарлик қилган Жим Рейгел масъул бўлган.
«Оппоғой ва овчи 2» (2016)
IMDb рейтинги — 6.1
Шарлиз Терон, Жессика Честйн, Крис Хемсворт ва бошқа юлдузлар «Оппоқ ва овчи 2» фильмида суратга тушган. Францҳизанинг ушбу қисмида Муз маликаси ўзининг жангчи-овчиларига севиб қолишни тақиқлайди. Улардан баъзилари унга итоат қилмайди, ўзларининг ҳақиқий ҳис-туйғуларини очиқчасига билдиради. Хўш, шундан сўнг воқеалар ривожи қандай кечади?
«Қўрқинчли эртаклар» (2015)
IMDb рейтинги - 6,4
Ушбу фильм итальян ёзувчиси Жамбаттиста Базиленинг «Рапунзел», «Уйқудаги малика» ва бошқа машҳур эртаклари билан уйғунлашган асарлари асосида яратилган. Фильмда асосий ролларни Салма Хаек ва Винсент Кассел ижро этган.
«Мисс Перегриннинг ғалати болалар уйи» (2016)
IMDb рейтинги - 6,7
Режиссёр Тим Бартон бу фильмни Ренсом Риггснинг «Ғалати болалар» романи асосида суратга олган. Қаҳрамоннинг болалиги бобосининг ғайриоддий болалар учун бошпана ҳақидаги доимий ҳикоялари билан ўтади. Бобоси вафотидан сўнг, ўсмир ўша бошпана жойлашган оролга боради ва илгари фақат фотосуратда кўрган болаларни топади.
«Вақтлараро сеҳрланган малика» (2020)
IMDb рейтинги - 6,5
«Вақтлараро сеҳрланган малика» номли чех эртак фильми 20 ёшли малика ҳақида ҳикоя қилади. У бу ёшни биринчи марта нишонлаётгани йўқ, фильм номи қизиқ ва фантастик сюжетга ишора қилади.
«Ворислар» (2015)
IMDb рейтинги - 6.2
Ҳокимиятга янги ёш монарх келади. У қамоққа олинган машҳур ёвузларнинг барча меросхўрларига иккинчи имконият беради. Ҳукмдор уларни қўйиб юборади — Оппоғой, Рапунзел ва бошқалар каби яхши одамларнинг болалари ўқийдиган мактабга юборади. Ўқиш жараёнида ёвуз кишиларнинг авлодлари ота-оналарининг ишини давом эттиришни хоҳлашадими ёки ҳали ҳам яхшилик тарафига ўтишни исташи ҳақида қарор қабул қилишлари керак.
«Чўқинтирган пари» (2020)
IMDb рейтинги - 6.1
Бу фильм сеҳр асосларини эндигина ўргана бошлаган ёш пари ҳақида ҳикоя қилади. У 10 ёшли қизчадан мактуб олади, у сеҳргардан энг эзгу орзусини амалга оширишни сўрайди. Ушбу картинанинг асосий мақсади ҳеч қачон таслим бўлмасликдир. Мақсадларингизга эришишингиз мумкинлигига ишониш уларни ҳақиқатга айлантиришнинг ягона самарали усулидир.
«Жодугар овчилари» (2013)
IMDb рейтинги - 6.1
Ушбу фантазия яратувчиларнинг таъкидлашича, уларнинг картинаси ака-ука Гриммларнинг машҳур «Ганс ва Грэйтел» эртагининг давоми. Бош қаҳрамонлар ёвуз жодугардан зўрға қутулишга муваффақ бўлишади, лекин ҳали ўзларининг ўтмишлари янада хавфли ва даҳшатлироқ эканлигини билишмайди.
«Соҳибжамол ва махлуқ» (2014)
IMDb рейтинги - 6,4
«Соҳибжамол ва махлуқ» классик эртагининг биринчи экранлаштирилган варианти 1946 йилда Жан Кокто томонидан яратилган. Лей Сейду ва Винсент Кассел иштирокидаги француз фильми версияси бошқа вариантлардан қолишмайди. Эртак яна бир бор муҳаббат борасида инсоннинг ташқи кўриниши эмас, балки унинг ички фазилатлари муҳим аҳамиятга эга эканини эслатиб ўтади.
Изоҳ (0)