Britaniyalik yozuvchi Klayv Lyuisning sehrli Narniya o‘lkasi haqidagi asari asosida suratga olingan film bir necha yillardan buyon o‘z muxlislariga ega. Filmning “Arslon, jodugar va javon” va “Shahzoda Kaspian” qismlaridagi Lyusi Pevensi rolini ijro etgan kichkintoy qizaloq ko‘plab tomoshabinlarda ijobiy taassurotlar qoldirgan edi.
Kastingda bu rolga deyarli ikki mingga yaqin boshqa da’vogarlarni chetlab o‘tgan 10 yoshli britaniyalik Jorji Henli filmdagi roli uchun birdaniga ikkita: Phoenix Film Critics Society va Young Artist mukofotlarini qo‘lga kiritgan.
Aktrisa Jorji Henli bosh rolni ijro etgan aktyorlar orasidagi eng kichigi edi, filmning suratga olish ishlari boshlanganda aktrisa sakkiz yoshda bo‘lgan.
So‘ng u o‘qishni davom ettirdi va Kembrij universiteti qoshidagi Kler kollejida ingliz tili va adabiyotidan tahsil oldi. Ammo Henli kinoni tark etmadi. U teatr da ishlay boshladi va tez orada ekranlarga qaytdi. 2019-yilning may oyida Henli “Ispan malikasi” tarixiy serialida Margaret Tyudor rolini ijro etdi.
Aktrisa kino faoliyatidan tashqari she’rlar ham yozib turadi. Uning asarlari turli jurnallarda nashr ham etilgan.
Izoh (0)