Кино оламига илк қадамларини қўйган ёш актёрлар одатда режиссёрлар ва суратга олиш гуруҳининг кўрсатмаларига сўзсиз амал қилади. Аммо томошабинлар эътирофига эришганидан сўнг кино юлдузлари қаҳрамон ва умуман фильм ҳақидаги тасаввурларини ҳимоя қилиб, қайсарлик қилиши ҳам мумкин.
Питер Динклейж — «Тахтлар ўйини
Машҳур телесериалда Тайвин Ланнистернинг кенжа ўғли Тирион узун соқолли одам сифатида тасвирланган. Аммо Питер Динклейж «Нарния йилномалари» фильмида худди шундай қиёфада суратга тушганди ва образлари ўхшаб қолишидан қўрқиб, ижодкорлардан қаҳрамони соқолсиз бўлишини сўрайди.
Продюсерлар актёрнинг илтимосини қабул қилишади. Тирион Ланнистер эса сериалнинг энг ёрқин қаҳрамонларидан бирига айланади.
Марго Робби — «Тарзан. Афсона»
2016 йилда Марго Тарзаннинг Жейн исмли севгилиси қиёфасида пайдо бўлади. Рол учун актрисадан бир неча килограмм йўқотиш сўралган. Аммо у жуда озғин қаҳрамон ўша давр руҳига тўғри келмайди деб ҳисоблайди, чунки воқеа 19-асрда гўзалликнинг бошқа ме'ёрлари ҳукмронлик қилган пайтда содир бўлади.
Кейинчалик Робби рад этишининг яна бир сабаби суратга олиш ишлари Британияда бўлиб ўтгани ва у ўзини маҳаллий гастрономик лаззатлардан бош торта олмаслигини тан олади.
Даниэль Крейг — Жеймс Бонд ҳақидаги фильмлар
2021 йилда Дэниэл Крейг Бонд роли билан расман хайрлашди, аммо агент 007 ўз ҳамон франшиза мухлислари орасида қизғин мунозараларга сабаб бўлмоқда. Хусусан, актёрнинг соч ранги кўпчиликни чалғитади. Крейггача Бонд ролини ижро этган барча актёрлар қорасоч эди. Аммо Дэниэл сочларини бўяшдан бош тортади. Бунинг ўрнига, у сочларини янаям калталатишни таклиф қилади.
Жин Хекман — «Supermen»
Жин Хекман сочини калга олишни хоҳламайди. 1978 йилда суратга олинган «Supermen» фильмидаги антагонист Лекс Лютор роли учун актёрдан сочини олиш сўралган, бироқ Жин қатъий рад этади. Фильм муаллифлари Хекман қаҳрамони соч парик кияди, деган таассурот яратишга қарор қилади ва фильм давомида актёрнинг сочини турлича услубда турмаклашади. Хекман фақат битта саҳнада кал бўлиб бўлади, лекин шунда ҳам сочини олдирмаган: визажистлар томонидан грим қилинган.
Кирстен Данст — «Ўргимчак одам» ва «Ўлим васвасаси»
«Ўргимчак одам» продюсерларидан бири Кирстен Данст роли учун гўзал табассум кераклигини айтади. Аммо актриса номукаммал тишларини тузатиш ҳақида ўйламасди ҳам. Натижада фильм постерида табассум таҳрир қилинади, кадрда эса актриса ўзининг табиий кўринишида қолади.
Бу Кирстеннинг режиссёрларга қарши чиққан ягона қайсарлиги эмасди. «Ўлим васвасаси» драмасини суратга олишдан олдин фильм режиссёри ва Данстнинг яқин дўсти София Коппола ундан роли учун озишини сўрайди.
Бунга жавобан актриса кескин рад жавобини беради. Кирстен машғулотни ёмон кўришини ва суратга олишдан олдин қовурилган товуқ истеъмол қилишни яхши кўришини тан олади.
Сара Жессика Паркер – «Ҳурлар»
Актёрлар учун соч рангини ўзгартириш одатий ҳол ва улар одатда бунга рози бўлишади. Шундай бўлса-да, оддий кўринган илтимос сабаб Сара Жессика Паркерни карьерасидаги энг машҳур роллардан бирини қўлдан чиқаришига сал қолади. 18 ёшли актрисага «Ҳурлар» мусиқий фильмида ўйнаш таклиф қилинди, аммо бунинг учун унга сочларини маллага бўяш ва кесиш талаби қўйилади.
Актриса сочларини шикастламаслик учун бу таклифни рад этади. Рол Трейси Нелсонга берилади, лекин у ўйнай олмайди. Натижада продюсерлар Паркернинг шартини қабул қилишга мажбур бўлишади. Ўрта мактаб ўқувчиси Расти роли Сара учун оламшумул машҳурлик олиб келади.
Мавзуга доир:
Изоҳ (0)