Йўл қурилиши ҳамда таъмирлаш фаолияти билан шуғулланувчи МЧЖ раҳбари Н.Ш. ўзганинг ишончига кириб, йўл қурилиши бўйича буюртма олиб беришни ваъда қилган.
Н.Ш. унга “Тошкент—Бойсун” автойўлини қуриш ва таъмирлаш лойиҳаси бўйича тендер ғолиби бўлган хорижий компаниянинг қиймати 500 минг долларлик қурилиш ишларини бажариш юзасидан буюртмасини олиб беришини айтган.
Бунинг эвазига 50 минг доллар талаб қилган ва келишилган пулни олган вақтида ушланган.
Н.Ш. муқаддам бир неча маротаба судланган бўлишига қарамай, хатоларидан тўғри хулоса чиқармаган.
Ҳозирда унга нисбатан Жиноят кодексининг 168 (фирибгарлик) ва 211-моддалари (пора бериш) билан жиноят иши қўзғатилиб, тергов ҳаракатлари олиб борилмоқда.
Апрель ойида Давлат хавфсизлик хизмати ходимлари томонидан Андижон вилоятида 42 млрд сўмлик лойиҳани олиб бериш эвазига пул талаб қилган шахслар ушланганди.
Шунингдек, 2023 йилнинг май ойида Наманганда 1 гектар ерни тендерда ютиб бериш учун 10 минг доллар сўраган мансабдор қўлга олинган.
Октябрь ойида эса Хоразмда фаолият бошлаганига 4 кун бўлган фирма тендердаги 5 та танловда ғолиб бўлиб, 1 миллиард сўмдан ортиқ маблағни қўлга киритгани маълум бўлганди.
Изоҳ (0)