Давлат дастурлари ижроси устидан назоратни кучайтириш бўйича президент қарори қабул қилинди, деб хабар беради Telegram’даги «Ҳуқуқий ахборот» канали.
Қарорга мувофиқ, 2022 йилдан бошлаб ҳар йили:
- 1 апрелгача жойларда ижтимоий ва ишлаб чиқариш инфратузилмасининг ҳолати, янги лойиҳаларни амалга ошириш зарурати ва уларнинг жойлашуви, шунингдек, ушбу масалалар бўйича кенг жамоатчилик фикри ўрганилади;
- 1 майгача лойиҳа-қидирув ишларини молиялаштириш учун зарур маблағлар буюртмачилар кесимида шакллантирилади;
- йил якунигача келгуси йиллар учун дастур тасдиқланиб, унга киритилган лойиҳалар бўйича танлов (тендер)лар эълон қилинади. Бунда, дастурга лойиҳа (лойиҳаолди) ҳужжатлари экспертизадан ўтказилмаган лойиҳалар киритилишига йўл қўйилмайди.
- молиялаштириш манбаи аниқ бўлмаганда;
- лойиҳа ҳужжатлари (ишчи лойиҳа, иш ҳужжатлари, лойиҳа-смета ҳужжатлари) мавжуд бўлмаганда ёки улар қурилиш-монтаж ишлари билан бир вақтда тайёрланганда, яъни параллел равишда олиб борилганда;
- пудратчи (лойиҳачи) ташкилотлар танлов (тендер) ўтказилмасдан танлаб олинганда.
Лойиҳалар ташаббускорлари фаолиятида «Бюджет назорати» электрон дастуридан фойдаланиш имконияти яратилади. Қарорга кўра, Бош прокуратура тузилмасида Қурилиш соҳасида қонунчилик ижроси устидан назорат бўлими ташкил этилади.
Шунингдек, хатловдан ўтказилган объектларнинг, шу жумладан, кадастр рақами ҳамда паспортини ўз ичига олган ягона электрон маълумотлар базасини шакллантириш тизими яратилади. 2022 йил 1 июнгача таълим, соғлиқни сақлаш, маданият, спорт ва бошқа соҳалар учун янги замонавий идоравий қурилиш нормалари жорий этилади.
Аввалроқ Шавкат Мирзиёев «Янги Ўзбекистон маъмурий ислоҳотлари дастури»ни ишлаб чиқиш бўйича топшириқ бергани, Ўзбекистонда коррупция ҳақида хабар берганларнинг қариндошлари ҳам давлат ҳимоясида бўлиши белгилангани тўғрисида хабар берилганди.
Изоҳ (0)