Тошкентда MAN русумли йўловчи ташувчи автобуси ва Lacetti ЙТҲга учради.
Пойтахт ЙҲХБ матбуот хизматининг хабар қилишича, йўл-транспорт ҳодисаси 19 ноябрь куни соат 06:40 ларда Чилонзор тумани Бунёдкор—Қатортол-2 кўчалари кесишган чорраҳада содир бўлган. Ҳайдовчи 1979 йилда туғилган М.Ш. бошқарувидаги Lacetti ҳамда 1997 йилда туғилган ҳайдовчи Қ.М. бошқарувидаги MAN автобуси тўқнашган.
Lacetti йўловчиси 1958 йилда туғилган Д.М. биринчи тиббий ёрдам кўрсатиш мақсадида шифохонага олиб кетилган. Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
“Тошшаҳартрансхизмат” матбуот хизматининг билдиришича, Lacetti асосий йўлда светофорнинг яшил чироғида ҳаракатланиб келаётган автобусга йўл бермасдан йўлга чиқиб келган.
Изоҳ (0)