Россиянинг Краснодар ўлкасида 29 сентябрь куни ЙТҲ содир бўлди. Унда юк машинаси ичида “Виктор” гандбол клуби мухлислари бўлган микроавтобус билан тўқнашиб кетган. Клуб расмий баёнотида йўловчилар орасида ҳалок бўлганлар йўқлиги, жароҳатланганларга зарур ёрдам кўрсатилаётгани айтилган.
“Ўйин учун Краснодарга тўртта автобус йўл олди: бирида жамоа аъзолари қолган учтаси “Виктор” мухлислари билан. Кечки пайт орқага қайтаётган автобуслардан бири Старокорсунская қишлоғида юк машинаси билан тўқнашиб, ҳалокатга учради.
Сизларга шуни маълум қиламизки, хайриятки, автобус йўловчилари орасида ҳалок бўлганлар йўқ. Краснодар ўлкаси ҳукумати номидан бир неча жабрланганларга зарур ёрдам кўрсатиш учун барча чоралар кўрилмоқда. Қўллаб-қувватлаганингиз учун барчангизга раҳмат. Биз сизни воқеалар ривожидан албатта хабардор қиламиз”, дейилади клуб баёнотида.
Мухлисларнинг айтишича, юк машинаси келиб урилганда, автобус бирданига ёна бошлаган. Гандболчилар ҳам мухлисларни қутқаришга қўлдан келганича ёрдам берган.
Маълумот учун, “Виктор” гандбол клуби мухлислари “Краснодар СКИФ” билан Россия чемпионати учрашувидан қайтишаётган бўлган. Юк машинаси қарама-қарши йўлакка чиқиб кетиб, тўқнашувга сабаб бўлган. Шундан сўнг транспорт воситаси ёниб кетган. Айни пайтда ёнғин ўчирилган. Фавқулодда вазиятлар вазирлиги маълумотларига кўра, 49 кишидан 17 нафари жароҳат олган, юк машинаси ҳайдовчиси эса вафот этган.
Изоҳ (0)