Ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда. Бу ҳақда Бош прокуратура матбуот хизмати хабар берди.
Маълум қилинишича, Наманган вилояти Мингбулоқ туманидаги “У.С.Г.С” МЧЖ раҳбари Б.О. ва бошқалар жамиятга қарашли умумий овқатланиш шохобчасидаги электр тармоғига ҳисоблагичдан ташқари ўзбошимчалик билан уланиб олган.
Оқибатда “свет”дан тижорат мақсадида ноқонуний фойдаланиб, 191,9 млн сўмлик 71,1 минг кВт/соат электр энергияси ўғирланган.
Мазкур ҳолат юзасидан жамият раҳбари Б.О. ва бошқаларга нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилиб, гумонланувчи шахслар процессуал тартибда ушланган.
Аввалроқ Андижонда жами 612 млн сўмлик “свет”дан ноқонуний фойдаланиш ҳолати аниқлангани ҳақида хабар берилган эди.
Изоҳ (0)