Тошкент шаҳрининг Бектемир ва Яккасарой туманларида 26 август куни электр таъминоти вақтинча ўчирилди. “Тошкент шаҳар электр тармоқлари” хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 26 август куни қуйидаги манзилларда электр таъминоти вақтинча ўчирилди:
- Бектемир тумани: “Забардаст” МФЙнинг айрим ҳудудларида соат 10:00 дан 18:00 гача;
- Яккасарой тумани: “Армуғон” МФЙнинг айрим ҳудудларида соат 10:00 дан 15:00 гача.
Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилди. “Тошкент шаҳар электр тармоқлари” мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.
Изоҳ (0)