Франция Суперкубоги ўйини 2025 йил 5 январь куни Қатарда бўлиб ўтади. Бу ҳақда LʼEquipe нашри хабар берди.
Маълум қилинишича, Франция профессионал футбол лигаси директорлар кенгаши учрашувни Доҳада ўтказиш таклифини маъқуллаган.
Бу ўйин ўтказилиши орқали ташкилот 3 млн евро ишлаб олади. Пулларнинг бир қисми иштирокчи жамоаларга ажратилади.
Кубок учун Франция чемпионати ва кубок соҳиби “ПСЖ” ва чемпионатда кумуш медалларга эга чиққан “Монако” кураш олиб боради. Учрашув 5 январь куни бўлиб ўтади.
Изоҳ (0)