Мбаппе, Дембеле ва Обамеянг. Франция чемпионатининг энг яхши футболчиси бўлиш учун даъвогарлар эълон қилинди

Килиан Мбаппе Франция чемпионатида мавсумнинг энг яхши футболчиси бўлиш учун даъвогарлар қаторидан жой олди.

Франция профессионал футболчилар уюшмаси чемпионат якунида турли совринларга даъвогарлик қилаётган футболчи ва мураббийлар рўйхатини эълон қилди:

— энг яхши футболчи: Килиан Мбаппе (“ПСЖ”), Усмон Дембеле (“ПСЖ”), Пьер-Эмерик Обамеянг (“Марсель”), Эдон Жегрова (“Лилль”) ва Пьер Ле Мелу (“Брест”);

— энг яхши дарвозабон: Жанлуижжи Доннарумма (“ПСЖ”), Марко Бизот (“Брест”), Марсин Булка (“Ницца), Лукас Чевале (“Лилль”) ва Брис Самба (“Ланс”);

— энг яхши ёш футболчи: Лени Ёро (“Лилль”), Уоррен Заир-Эмери (“ПСЖ”), Райан Черки (“Лион”), Элис Бен-Сегир (“Монако”), Дезире Духет (“Ренн”);

— энг яхши мураббий: Пауло Фонсека (“Лилль”), Луис Энрике (“ПСЖ”), Эрик Рой (“Брест”), Лука Элснер (“Гавре”), Франк Эс (“Ланс”).

Соврин эгалари 13 май куни эълон қилинади. 

Эслатиб ўтамиз, “ПСЖ” жамоаси Франция чемпионати ғолибига айланди. Парижликлар чемпионат якунланишига уч тур қолганда чемпионликни қўлга киритди.