Кеча, 3 та мамлакат — Франция, Португалия ҳамда Нидерландияда футбол бўйича мамлакат суперкубоги учун баҳслар бўлиб ўтди.
Жумладан, Францияда ПСЖ ҳамда «Монако» суперкубок учун майдонга тушди. Учрашув 4:о ҳисобида парижликларнинг йирик ғалабаси билан якунланди. Шу тариқа ПСЖ ўзининг янги бош мураббийи Томас Тухель қўл остидаги илк расмий ўйинида ўз тарихида 8 марта мамлакат суперкубогини қўлга киритди. Таъкидлаш жоиз, парижликлар 2013 йилдан буён қаторасига 6 марта Франция суперкубогини қўлга киритди.
Португалия суперкубоги учун «Порту» ҳамда «Авеш» жамоалари кураш олиб борди. Баҳсда 3:1 ҳисобида ғалаба қозонган «Порту» ўз тарихида 21 марта мамлакат суперкубоги соҳибига айланди.
Нидерландия суперкубоги учун эса Эйндховеннинг ПСВ ҳамда Роттердамнинг «Фейеноорд» жамоалари баҳс юритди. Учрашув асосий ҳамда қўшимча бўлимларида гол урилмаганлиги боис, ғолиб пенальтилар сериясига кўра аниқланди. Унда омад «Фейеноорд»га кулиб боқди.
Франция суперкубоги
4 август, шанба
ПСЖ – «Монако» 4:0
Голлар: 1:0 – 33 Ди Мария, 2:0 – 40 Нкунку, 3:0 – 67 Веа, 4:0 – 90 Ди Мария.ПСЖ: Буффон, Дагба, Риман, Тиаго Силва (Бернед, 74), Нсоки, Верратти (Неймар, 76), Рабо, Нкунку, Диарра (Маркиньос, 64), Ди Мария, Веа.
«Монако»: Бенальо, Раджи, Серрано, Глик, Жемерсон, Тилеманс, Пеле (Диоп, 46), Ахолу, Рони Лопеш (Жорди Мбоула, 65), Грансир (Кейта Балде, 46), Йоветич.
Португалия суперкубоги
«Порту» — «Авеш» 3:1
Голлар: 0:1 – 14 Фалькао, 1:1 – 25 Браими, 2:1 – 67 Макси Перейра, 3:1 – 84 Корона.«Порту»: Касильяс, Фелипе, Теллес, Макси Перейра, Диогу Лейте, Отавио, Эррера, Сержиу Оливейра, Браими (Корона, 39), Абубакар (Соарес, 75), Андре Перейра (Оливер Торрес, 72).
«Авеш»: Бенардо, Диего Гало, Леню, Родриго, Жорже Феллипе, Фалькао, Витор Гомеш, Брага (Мишель Дуглас, 69), Нилдо Петролина (Фариня, 77), Амилтон (Балде, 85), Диас.
Нидерландия суперкубоги
ПСВ — «Фейеноорд» 0:0 (пенальтилар бўйича 5:6)
ПСВ – Зут, Тасенде, Думфрис, Виргевер, Швааб, Росарио, Хендрикс, Перейро, Бергвейн (Жуниор, 83), Мален (Лосано, 59), де Ёнг.«Фейеноорд»: Бэйло, Вердонк, Сен-Жюст (Ниукоп, 85), ван дер Хейден, Боттегин, Торнстра (Амрабат, 62), Триндаде, Бергейс, Класи, Ларссон, ван Перси (Венте, 84).
Изоҳ (0)