«Милан»ни мағлуб этган «Ювентус» Италия кубоги ярим финалига, «Монако» эса Франция лига кубоги финалига йўл олди
Туриннинг «Ювентус» клуби Италия кубоги учун курашни давом эттиради. Кубокнинг амалдаги эгаси чорак финалда «Милан»га чиқиш эшикларини кўрсатиб қўйди.
Учрашувнинг 21-дақиқаси ортда қолган бир пайтда «Ювентус» 2 та гол фарқи билан олдинга чиқиб олганди. Туринликлар бу устунликни ўйин якунига қадар сақлаб қола олди.
Иккинчи бўлимга келиб миланликлардан Карлос Бакка ҳисобни тенглаштириб, жамоадошларини умидлантирган бўлса, бир дақиқадан кейин Локателли қизил карточка олиб, Винченцо Монтелла шогирдларини яна қийин аҳволга солиб қўйди. Учрашувнинг учдан бир қисмида сон жиҳатдан кўпроқни ташкил қилган «Ювентус» керакли натижани қайд эта олди.
«Ювентус» ярим финалда Неаполнинг «Наполи» клуби билан тўқнаш келади. Бир кун муқаддам «Наполи» «Фиорентина» устидан зафар қучиб, ярим финал чиптасини қўлга киритганди.
Маълумот учун, жорий мавсум ҳисобидан «Милан» «Ювентус»га қарши икки ўйинда иштирок этиб, ҳар иккисида ҳам ўзига керакли натижани қайд эта олганди. Чемпионатнинг Миландаги ўйинида «кекса сеньора» 1:0 ҳисобида мағлуб этилган бўлса, мамлакат Суперкубоги учун Қатарда кечган ўйинда ҳам ғолиблик «Милан»га насиб қилганди.
Италия кубоги 1/4 финал 25 январь, чоршанба
«Ювентус» — «Милан» 2:1
Голлар: Пауло Дибала, 10 (1:0). Миралем Пьянич, 21 (2:0). Карлос Бакка, 53 (2:1).Четлатиш: Мануэль Локателли, 54 (М).31 январь, сешанба«Интер» — «Лацио»
1 февраль, чоршанба«Рома» — «Чезена»
Франция лига кубогида финал иштирокчилари аниқ бўлди.
24 январь куни Унаи Эмери бошқарувидаги «ПСЖ» 4:1 ҳисобидаги ғалабаси эвазига ҳал қилувчи ўйин чиптасини қўлга киритган, беллашувда киритилган барча голларга Жанубий Америка футболчилари муаллифлик қилганди. Бу сафар Франция чемпионати пешқадами «Монако»нинг муваффақиятини ҳам америкалик футболчи таъминлади. Радамель Фалькао томонидан урилган ягона гол «Монако»ни финал сари етаклади.
Маълумот учун, «Монако» Франция биринчи дивизионида «ПСЖ»дан 3 очкога ўзиб кетгани ҳолда пешқадам бўлиб турибди.
Франция лига кубоги Ярим финал 25 январь, чоршанба
