13—17 ноябрь кунлари Ҳиндистоннинг Калкутта шаҳрида 6-Tata Steel Chess India турнири бўлиб ўтади.
Ушбу мукофот жамғармаси 41500 АҚШ долларини ташкил этадиган турнирда ўзбекистонлик Нодирбек Абдусатторов ҳам иштирок этади.
Мусобақа рапид ва блиц йўналишларида бўлиб ўтади: 9 тур рапид ва 18 тур блиц.
Икки йўналишда ҳам алоҳида ғолиб аниқланади.
Мусобақада Нодирбек Абдусатторовдан ташқари, Магнус Карлсен, Винсент Кеймер, Уэсли Со, Праггнанандҳа, Аржун Эригаиси каби тажрибали шахматчилар ҳам қатнашади.
Ғолиблар қуйидагича мукофотланади:
Рапид йўналишида:
- 1-ўрин 10 минг АҚШ доллари;
- 2-ўрин 6 минг АҚШ доллари;
- 3-ўрин 3 минг АҚШ доллари.
Блиц йўналишида:
- 1-ўрин 7,5 минг АҚШ доллари;
- 2-ўрин 4 минг АҚШ доллари;
- 3-ўрин 2,5 минг АҚШ доллари.
Бугун, 13 ноябрдан Нодирбек Абдусатторов баҳсларга киришади. Ўзбекистонлик шахматчи FIDE рейтингида 6-ўринда бормоқда.
Октябрь ойининг сўнгги кунларида Лондонда шахмат бўйича WR Chess Masters мусобақаси бўлиб ўтди. Дастлабки босқичда Александра Костенюк билан ўйинда ғалаба қозонган Нодирбек Абдусатторов чорак финалда франциялик Максим Ваше-Лаграв билан баҳсда мағлуб бўлиб, мусобақани эрта якунлади.
3—12 октябрь кунлари Буюк Британиянинг Лондон шаҳрида бўлиб ўтган турнирда Нодирбек Alaskan Knights жамоаси номидан қатнашди ва турнирни иккинчи ўринда тугатди.
Изоҳ (0)