Лондонда шахмат бўйича WR Chess Masters мусобақаси бўлиб ўтмоқда. Дастлабки босқичда Александра Костенюк билан ўйинда ғалаба қозонган Нодирбек Абдусатторов чорак финалда франциялик Максим Ваше-Лаграв билан тўқнаш келди.
Мусобақа 16 нафар спортчи иштирокида нокаут тизимида ўтказилмоқда. Кеча, 15 октябрь куни чорак финал босқичи баҳслари бўлиб ўтди.
Нодирбек Абдусатторов ва Максим Ваше-Лаграв ўртасидаги асосий баҳсларда дуранг қайд этилди. Армагедон партияда эса Нодирбек қора доналарда ўйнади. Кейинги босқичга чиқиш учун Нодирга дуранг ҳам етарли эди. Афсуски, ўзбекистонлик шахматчи бир неча хато юришлар сабаб мағлубиятга учраб турнирдаги иштирокини якунлади.
Маълумот учун, Жавоҳир Синдоров 1/8 финалда айнан Максим Ваше-Лагравга мағлуб бўлиб юришни тўхтатганди.
Турнир формати ҳақида: Биринчи 30 та юриш учун 60 дақиқа, кейинги 20 та юришга 30 дақиқа ва ўйин охиригача яна 30 дақиқа. Шахматчилар рақиблари билан ҳам оқлардан, ҳам қоралардан 1 тадан партия ўйнашади, мағлуб бўлган иштирокчи турнирни тарк этади.
Изоҳ (0)