Жаҳон шахмат федерацияси август ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 5 нафар ўзбекистонлик гроссмейстер ўрин олди.
![](/static/2024/09/02/Screenshot 2024-09-02 174510-YMedpton.png)
Рейтингда Нодирбек Абдусатторов (2766) 6-ўринда қайд этилди. У аввалги ойдаги ўрнидан бир поғона юқорилади. Ўтган ойда 7-ўринда қайд этилган Нодирбек бу ойдаги рейтингда Гукешни икки очко ортда қолдирди. Жавоҳир Синдоров (2677) аввалги ойда 54-ўринда қайд этилган эди, бу ойда у 52-ўринда қайд этилди.
Бундан ташқари, энг кучли шахматчилар рейтингида Рустам Қосимжонов (2685) ҳам ўрин олган. Тажрибали шахматчи — 42-ўринда. Аввалги ойда кучли 72-ўринда қайд этилган Нодирбек Якуббоев (2666) 61-ўринга кўтарилди. 2650 рейтинг очкосига эга шахматчи Шамсиддин Воҳидов 77-ўринга кўтарилди. У аввалги рейтингда 93-ўринда қайд этилган эди.
![](/static/2024/09/02/Screenshot 2024-09-02 174525-GKhMNXRr.png)
Ўтган ойда Нодирбек ёшлар ўртасидаги расмий рейтингда 1-ўринни ҳиндистонлик Гукешга бўшатиб берган эди. Янгиланган рейтингда Абдусатторов ўз ўрнини қайтариб олди. Яна бир шахматчи Жавоҳир Синдоров 5-ўринни эгаллаб турибди.
АҚШнинг Сент-Луис шаҳрида бўлиб ўтган шахмат бўйича нуфузли Sinquefield Cup турнирида Нодирбек Абдусатторов 3-ўринни эгаллади.
Изоҳ (0)