АҚШнинг Сент-Луис шаҳрида шахмат бўйича нуфузли Sinquefield Cup турнири бўлиб ўтди.
Мусобақада жаҳоннинг 10 нафар кучли гроссмейстерлари бош соврин учун баҳсларга киришди. Улар орасида ўзбекистонлик Нодирбек Абдусатторов (2762) ҳам бор.
Турнирнинг сўнгги 9-турида Нодирбек оқ доналарда мусобақанинг иккинчи рақамли шахматчиси, FIDE байроғи остида қатнашган россиялик Ян Непомняшийга қарши баҳс олиб борди ва ғалабага эришди.
Шундай қилиб Абдусатторов 2 ғалаба, 6 дуранг ва 1 мағлубият билан турнир жадвалида қўшимча кўрсаткичларга кўра 3-ўринни эгаллади. Ундан кейинги ўриндаги Максим Ваше-Лаграв (Франция, 2721) ҳам мусобақани 5 очко билан якунлади. Француз гроссмейстери 9-турда амалдаги жаҳон чемпиони Дин Лижен (Хитой, 2745)га имконият қолдирмади.
Турнирнинг биринчи рақамли иштирокчиси Фабиано Каруана оқ доналарда Аниш Гири (Нидерландия, 2746)ни мағлубиятга учратди. Якунда спортчининг очколари 5,5 тага етди ва у мусобақани 2-ўрин билан якунлади.
Бош совринни Алиреза Фирузжа (Франция, 2751) қўлга киритди. Гроссмейстер сўнгги турда оқ доналарда Рамешбабу Прагнанандха (Ҳиндистон, 2749) билан дуранг қайд этди. Бу дуранг унга 6 очко билан турнир чемпиони бўлиш учун кифоя қилди.
Фирузжа 0,5 1-ўрин билан бирга 100 минг АҚШ доллари пул мукофотига ҳам эга бўлди.
Нодирбек Абдусатторов эса турнирда 40 минг АҚШ доллари миқдоридаги пул мукофотини ҳам қўлга киритди.
Бонуслар билан қўшиб ҳисоблаганда умумий сумма 70 минг АҚШ долларидан кўпроқни ташкил қилади.
Маълумот учун, Нодирбек Абдусатторов янгиланган FIDE рейтингида 7-ўринни эгаллаб турибди.
Изоҳ (0)