Жаҳон шахмат федерацияси июнь ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 5 нафар ўзбекистонлик гроссмейстер ўрин олди.
Рейтингда Нодирбек Абдусатторов 6-ўринда қайд этилди. У аввалги ойдаги ўрнидан бир поғона пастлади. Жавоҳир Синдоров 54-ўринга кўтарилди. У ўтган ойдаги рейтингда 60-ўринда қайд этилган эди. Бундан ташқари, энг кучли шахматчилар рейтингида Рустам Қосимжонов (43-ўрин) ҳам ўрин олган. Аввалги ойда кучли 100 ликни тарк этган Нодирбек Якуббоев ушбу ойда 84-ўринда қайд этилган. Uzchess Cup турнирида муваффақиятли қатнашган яна бир ўзбекистонлик шахматчи энг кучли 100 шахматчилар киритилган рейтингдан жой олди. 2643 рейтинг очкосига эга шахматчи Шамсиддин Воҳидов 95-ўринда қайд этилган.
Нодирбек ёшлар ўртасидаги расмий рейтингда 1-ўринда қайд этилган. Яна бир ҳамюртимиз Жавоҳир Синдоров 6-ўринни эгаллаб турибди.
Маълумот учун, Мукофот жамғармаси 166 минг АҚШ долларини ташкил этадиган “Uzchess Cup” турнирида Нодирбек Абдусатторов иккинчи ўринни қўлга киритди.
Руминия пойтахти Бухарест шаҳрида Гранд Chess Tour 2024 мусобақасининг иккинчи босқичи бўлиб ўтмоқда. Якунланган 6 турдан сўнг Нодирбек Абдусатторов 2,5 очко тўплаб, 8-ўринда бормоқда.
Изоҳ (0)