Жаҳон шахмат федерацияси март ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 4 нафар ўзбекистонлик гроссмейстер ўрин олди.
Рейтингда Нодирбек Абдусатторов 4-ўринда қайд этилди. У аввалги рейтингда 11-ўринни эгаллаган эди. Жавоҳир Синдоров 50-ўринга тушиб кетди. Унинг аввалги қайд этган натижаси — 36-ўрин бўлган. Бундан ташқари, энг кучли шахматчилар рейтингида Рустам Қосимжонов (48-ўрин) ҳамда Нодирбек Якуббоев (75-ўрин) ўрин олган.
Эътиборлиси, Нодирбек ёшлар ўртасидаги расмий рейтингда биринчи ўринда қайд этилган. Яна бир ҳамюртимиз Жавоҳир Синдоров олтинчи эгаллаб турибди. У март ойида бешинчи ўринда қайд этилган эди.
Эслатиб ўтамиз, Нодирбек Абдусатторов Чехияда ўтказилган Prague Chess Festival 2024 турнирида муваффақиятли иштирок этиб, бош соврин соҳиби бўлган эди.
Изоҳ (0)