Ўзбекистонлик боксчи Шаҳрам Ғиёсов IBF чемпионлик камари учун жанг қилиши мумкин.
Бу ҳақида Ўзбекистон профессионал бокс ассоциацияси матбуот хизмати маълум қилди.
Промоутер Эдди Ҳирн ушбу жангни ташкил этиш бўйича амалий ҳаракатларни бошлаб юборган.
Ярим ўрта вазн тоифасида IBF чемпиони Жейрон Эннис (31-0-28 КО) 13 июль куни Филаделфияда Коди Кроулига қарши жанг қилиши керак эди. Бироқ Кодига шифокорлар жанг ўтказиш учун рухсат бермаган. Унинг ноябрь ойида ўнг кўзида амалга оширилган жарроҳлик амалиётидан кейинги тикланиш жараёни ижобий кетмаяпти.
Кроулининг потенциал рақиблари орасида Шаҳрам Ғиёсов (15-0, 9 КО) ҳам бор.
Аввалроқ Ғиёсов август ойида Мадримов—Кроуфорд оқшомида рингга кўтарилиши маълум қилинганди.
Шаҳрам сўнгги жангини февраль ойида Пабло Сезар Канога қарши ўтказиб, очколар эвазига ғалаба қозонганди.
Изоҳ (0)