Оғир вазн тоифасида WBA, WBO ва IBF камарлари соҳиби Олександр Усик (19-0, 13 КО) ва собиқ чампион Энтони Жошуа (24-2, 22 КО) ўртасидаги реванш жанги санаси маълум бўлди.
Боксчилар ўртасидаги жанг 20 август куни бўлиб ўтади. Жангга Саудия Арабистонининг Жидда шаҳри мезбонлик қилади. Бу ҳақида Matchroom промоутерлик компанияси матбуот хизмати хабар берди.
Дастлаб жанг 23 июль куни бўлиб ўтиши хабар қилинганди, аммо Саудия Арабистонидаги ташкилотчилик масалалари узоқ вақт олган. Кейинчалик промоутер Эдди Ҳирн жанг санаси ўзгариши 13 ёки 20 августда бўлиб ўтиши мумкинлигини айтиб ўтганди.
Боксчилар ўртасидаги дастлабки жанг 2021 йилнинг сентябрь ойида «Тоттенҳэм Ҳотспур» стадионида бўлиб ўтганди. Унда Усик ҳакамлар қарорига кўра (117-112, 116-112, 115-113) Жошуа устидан ғалаба қозонган эди.
Изоҳ (0)