Оғир вазн тоифасида WBA, WBO ва IBF камарлари соҳиби Олександр Усик (19-0, 13 КО) ва собиқ чампион Энтони Жошуа (24-2, 22 КО) ўртасидаги реванш жанги август ойига кўчирилди. Бу ҳақида промоутер Эдди Ҳирн хабар қилди.
Дастлаб жанг 23 июль куни бўлиб ўтиши хабар қилинганди, аммо Саудия Арабистонидаги ташкилотчилик масалалари узоқ вақт олган.
Халқаро рекламаларни амалга оширишимиз, жангни бутун дунё бўйлаб трансляция қилиш ва реклама шартномаларини имзолашимиз лозим. Ушбу жангни август ойида кўрамиз. Иккита тахминий сана мавжуд: 13 ва 20 август.Боксчилар ўртасидаги дастлабки жанг 2021 йилнинг сентябрь ойида «Тоттенҳэм Ҳоцпур» стадионида бўлиб ўтганди. Унда Усик ҳакамлар қарорига кўра (117-112, 116-112, 115-113) Жошуа устидан ғалаба қозонган эди.Сўнгги 24 соат давомида ҳужжатлар имзоланмоқда, шунинг учун жанг ҳақида расмий эълон тез орада тақдим этилади. Жанг Яқин Шарқда бўлиб ўтади. Бу учун ҳамма нарса тайёр.
Тафсилотларни расмий эълон учун қолдираман. Биз деярли тайёрмиз.
Эдди Ҳирн, промоутер
Изоҳ (0)