Таниқли промоутер Эдди Ҳирн (Matchroom Бохинг) Париж Олимпиадасида иштирок этган боксчиларнинг 4-5 нафари билан ҳамкорлик қилмоқчилигини маълум қилди.
Ҳирнни фақатгина ғолиблар қизиқтирмаяпти: “Шундай чемпионлар бўлдики, улар проф рингда самарали ҳаракат қилишига ишонч уйғота олмади. Ва шундай боксчилар бўлдики, турнир бошидаёқ чиқиб кетди, лекин проф боксда улар натижа кўрсата олади”.
Промоутер кўз остига олиб қўйган боксчилар номини айтиб ўтди.
Масалан, Matchroom директори 1/8 финалда иштирокини якунлаган оғир вазн тоифаси вакили Патрик Браунга қизиқиш билдирмоқда. Шунингдек, турнирда медални қўлга киритган Омари Жонс ҳам қизиқишлар доирасида.
Мексикалик Марко Верде ҳам Эдди Ҳирннинг назарига тушган. Рўйхатда Кейтлин Паркер ва Теремоана Теремоана ҳам бор.
5 та олтин медални қўлга киритиган Ўзбекистон вакиллари Эдди Ҳирнда илиқ таассурот қолдирган. Эдди биринчи ўрта вазн тоифаси вакили Асадхўжа Мўйдинхўжаев билан шартнома имзолашни истамоқда.
Эслатиб ўтамиз, -71 кг вазн тоифасида ҳаракат қиладиган Асадхўжа Париж Олимпиадасида мексикалик Марко Алонсо Вердени таслим этиб, олтин медалга эга чиққан эди.
Изоҳ (0)