Шаҳрам Ғиёсовнинг вазнидаги яна бир чемпион ўз камарини вакант қолдирмоқчи.
_1688886209-I0ZMMZgE.jpg)
Инсайдер Майкл Бенсоннинг маълум қилишича, ярим ўрта вазн тоифасида IBF камари соҳиби, америкалик Жейрон Эннис (32-0, 29 КО) камарини вакант қолдириши мумкин.
Энниснинг промоутери Эдди Ҳирн WBO чемпиони Брайан Норман билан келишувга эриша олмаганидан сўнг, Сергей Богачук билан алоқага киришганини, шунингдек, Жейроннинг супер ярим ўрта вазн тоифасида собиқ WBA чемпиони, ҳамюртимиз Исроил Мадримов билан жанги имкониятлари кўриб чиқилаётганини маълум қилди.
Шунингдек, Богачук ҳам, Мадримов ҳам супер ярим ўрта вазн тоифасида жанг қилади. Энниснинг IBF камарига мажбурий даъвогар айни дамда украиналик боксчи Карен Чухажян ҳисобланади.
Аввалроқ, америкалик яна бир чарм қўлқоп устаси — Теренс Кроуфорд ҳам ярим ўрта вазн тоифасидаги WBA камарини вакант қолдиргани ҳақида хабар берилганди. Мазкур йўналишдаги чемпионлик учун мажбурий даъвогар ўзбекистонлик Шаҳрам Ғиёсов саналади.
Изоҳ (0)