Matchroom Boxing promouterlik kompaniyasi rahbari Eddi Hirn Golden Boy Promotions xo‘jayini Oskar de la Xoyaga katta boks oqshomi tashkil etishni taklif etdi.
5 ga 5 formatidagi taklif qilinayotgan jang 2024-yilning iyun oyida Saudiya Arabistonida bo‘lib o‘tgandi. O‘shanda Hirn jamoasi Queensberry Promotions bokschilariga qarshi jang qilgandi va 0:5 hisobida mag‘lubiyatga uchragandi.
Eddi Hirn tomonidan taklif etilayotgan janglar:
- Jaron Ennis — Rayan Garsiya (yarim o‘rta vazn toifasidagi jang, -66,7 kg);
- Shakur Stivenson — Uilyam Sepeda (yengil vazn toifasidagi jang, -61,2 kg);
- Israil Madrimov — Verjil Ortis (birinchi o‘rta vazn toifasidagi jang, -69,9 kg);
- Jey Opetayya — Xilberto Ramires (og‘ir vazn toifasidagi jang, -90,7 kg);
- Jek Ketteroll — Xose Ramires (birinchi yarim o‘rta vazn toifasidagi jang, -63,5 kg).
Eslatib o‘tamiz, o‘zbekistonlik bokschi Isroil Madrimov dekabr oyida o‘zining navbatdagi jangini o‘tkazadi. Sergey Bogachukka qarshi to‘qnashuv 21-dekabr kuni Saudiya Arabistoni poytaxti Ar-Riyod shahrida Oleksandr Usik—Tayson Fyuri revansh jangining anderkardida bo‘lib o‘tadi.
Izoh (0)