Навоий вилоятининг Кармана туманида ўзбошимчалик билан тармоққа уланган фермер хўжалиги 145,3 млн сўмлик электр энергиясидан ноқонуний фойдаланганлиги аниқланди. Бу ҳақда “Ўзэнергоинспекция” матбуот хизмати хабар берди.
“Д.Н.” фермер хўжалиги масъуллари экин майдонини суғориш учун ўрнатилган сув насосини шартномасиз тармоққа ўзбошимчалик билан улаб, электр энергиясидан ноқонуний фойдаланган.
Ушбу қоидабузарлик натижасида электр таъминоти корхонаси манфаатига 145,3 млн сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Изоҳ (0)