“Қўрғон сирлари” экранларда пайдо бўлганидан бери бошқа турк сериаллари рейтинги пастлади: ҳаммаси ҳам лойиҳа билан рақобатлаша олмайди. Бироқ 2024 йил қиши яна янги сериалларга бой бўлади ва ким билади, балки бу сериаллардан бири Сейран ва Феритнинг севги ҳикоясидан ўзиб ҳам кетар.
“То ўлгунимча”
“То ўлгунимча” янги сериалида бош ролни келишган актёр Иброҳим Челиккол ўйнайди. Унинг қаҳрамони — Туркиядаги энг йирик қурилиш компанияларидан бирининг эгаси Хоқон Дагстан. У ақлли, бой ва албатта “қизларнинг ажали”. Ташқаридан қараганда рафиқаси Ирем билан биргаликда улар ажойиб оила, лекин анчадан буён жуфтлик ўртасида илиқлик йўқ.
Хоқон хизмат сафарига бориб, у ерда Саҳра билан учрашганида, унинг қалбида собиқ севгилисига бўлган туйғулари қайта уйғонади. Шу билан бир қаторда, у Иремни ҳам йўқотишни истамаслигини тушунади.
“Оилавий альбом”
“Оилавий альбом” янги сериалида томошабинлар ниҳоят “Беқарор” сериалидаги Акин Акинозу яна экранларда кўради. Туркиялик журналист Бирсен Алтунташ яқинда О3 Меdiya компаниясидан бўлажак лойиҳа сюжети тафсилотларини ошкор қилди. Сериалда қалблари болаликдан боғланган жуфтлик — Қилич (Акин Акинозу) ва Дениз (Аслихон Малбора) ҳақида ҳикоя қилинади. Улар Истанбулда ўқишларини тамомлаб, кўп йиллар ўтиб ўз она шаҳрига қайтади ва тақдир уларнинг йўлларини яна туташтиради, аммо бу нимага олиб келади?
“Асаф”
“Асаф” лойиҳаси халқаро Netflix платформаси томонидан буюртма қилинган. Бу драматик сериал бўлиб, унда томошабинларга юксак маънавий қадриятларга эга оддий Uber ҳайдовчиси ҳақида ҳикоя қилинади. Эркак хотини ва ўғлидан ажралганидан кейин ҳаётини тиклаш йўлини топишга ҳаракат қилади. Лекин кун келиб бахтсиз ҳодиса Асафнинг ҳаётини бутунлай ўзгартиради, чунки у ёмон одамлар қўлида ўйинчоққа айланади.
“Марварид доналари”
“Maрварид доналари” сериалининг сюжети оилавий муносабатлар ва оилада содир бўладиган драматик воқеаларга асосланади. Режиссёрнинг сўзларига кўра, сериалда ҳикоя қилинган воқеа ҳам аччиқ, ҳам ҳазилга тўла. Лойиҳанинг ўзига хос хусусияти унинг ҳақиқий ҳаётга максимал даражада яқинлигидир.
“Қонли эфир”
Янги турк триллерида бош ролни Ҳалит Эргенчнинг рафиқаси Бергузар Корель ижро этади. У жиноятларни очадиган ва натижаларини томошабинларга айтиб берадиган иқтидорли журналистга айланади. Фильм сюжети драматик саҳнадан бошланади, унда бош қаҳрамоннинг шогирдларидан бири Лейла исмли қиз ўлдирилади. Сериал 8 қисмдан иборат, лекин сериал муваффақиятли бўлиб чиқса, катта эҳтимол билан иккинчи мавсумга узайтирилади.
“Кубра”
Чағатай Улусой бош ролни ўйнаган 2024 йилнинг энг кутилган турк сериалларидан бири. Турк журналистларининг ёзишича, лойиҳанинг биринчи мавсумини суратга олиш ишлари ноябрь ойида якунланган ва жамоа дарҳол иккинчи мавсум устида иш бошлаган. Бироқ томошабинлар премьерани фақат 2024 йилнинг қишида кўради. “Кубра” Netflix томонидан ишлаб чиқарилади, шунинг учун бу жуда ғайриоддий бўлиши аниқ.
Сюжет худди шу номдаги романга асосланган. Қиз дўсти билан муносабатларида муаммоларга дуч келган Гокҳан Шаҳиноғлуга бир куни Кубра исмли сирли фойдаланувчи чатда унга хабарлар ёза бошлайди, лекин энг ҳайратланарлиси шундаки, аноним одам бу одамнинг ҳаёти ҳақида ҳамма нарсани билади.
Изоҳ (0)