Туркия гўзал, бетакрор ландшафтлари, Ўрта Ер денгизи ва Эгей қирғоқларининг ғаройиб гўзаллиги, баланд қарағай ўрмонлари билан қопланган тоғлар, кўпикли шаршаралар ва зумрадранг кенгликлари билан ажралиб турадиган ажойиб минтақадир. Денгизлар, дарёлар ва кўллар инсонни завқлантиради, унутилмас таассуротлар қолдиради. Қадимги меъморчилик ёдгорликлари ўзининг улуғворлиги, сирли ерости галереялари, ғорлари, қадимий харобалар, шунингдек, замонавий шаҳарлар ва кичик аҳоли пунктларининг ҳайратланарли даражада ранг-баранг кўчалари билан лол қолдиради. Туркияда жуда кўп ноёб жойлар мавжуд. Сериал ва кинофильмларнинг айрим саҳналари учун шу каби жойлар ва манзаралар танланади.
“Шимолий юлдуз” сериали
“Шимолий юлдуз” сериали 2019—2021 йилларда суратга олинган. Лойиҳада бош ролларни Исмоил Демиржи ва Аслиҳан Гунер ижро этган. Ушбу сериал 64 қисмдан иборат. Бу сериал ҳақида кам гапирилади, бироқ лойиҳа Туркияда муваффақиятли бўлди ва бир неча мавсум давом этди. Сериал ҳар жиҳатдан: бош қаҳрамонлар, воқеаларнинг қизиқарли эканлиги, ажойиб манзаралар томошабинни ўзига жалб қилади.
Ушбу сериални суратга олиш ишлари Ўрду шаҳри ва унинг вилоятларида бўлиб ўтди. Баъзи саҳналар Қора денгиз соҳилида суратга олинган. Сериалда Ўрдунинг гўзал ўрмонлари, денгизи ва барча табиий гўзалликларини кўришингиз мумкин.
Лойиҳада Йилдиз Кузей исмли йигитни севиб қолади. Оилалари узоқ дўстлик муносабатларида бўлгани учун Кузей ва Йилдиз унаштирилади. Бироқ Кузей Истанбулдаги университетга ўқишга боргач, берган барча ваъдаларини унутади. Бир неча йил ўтгач, Кузей Йилдизнинг севгисини қозониш умидида уйига қайтади.
“Беқарор” сериали
Ушбу сериал 2019—2021 йилларда суратга олинган. Унда бош қаҳрамонлар ролини Акин Акинезю ва Эбру Шаҳин гавдалантирган. Лойига 69 та қисмдан иборат. Сериал ижодкорлари ҳатто маданият ва туризмни қўллаб-қувватлаганликлари учун Мидят шаҳар ҳукуматининг мукофотига сазовор бўлган.
“Беқарор” сериалининг суратга олиш жараёнлари ҳам Мардин шаҳрида бўлиб ўтган. Муҳим жойлар сериал воқеалари билан чамбарчас боғлиқ. Масалан, кўприк ёки арғимчоқ сериални ёдга солади. Сериалда Мидятдаги энг қудратли оилалардан бирининг қизи Рейян ва кўп йиллар олдин ўлдирилган ота-онасидан қасос олмоқчи бўлган Миранни севиб қолади.
“Орол эртаги” сериали
Ушбу лойиҳа 2021 йилда томошабинларга тақдим этилган. “Орол эртаги” сериалида бош ролларни Айча Айшин Туран ва Алп Навруз ижро этган. Лойиҳа 25 та қисмдан иборат. Суратга олиш ишлари Сефериҳисар шаҳрида (Измир вилоятида жойлашган) жойлашган Сигажик ҳудудида бўлиб ўтди. Сюжет давомида бош қаҳрамон шовқинли шаҳарни тарк этади ва аста-секин Эгей денгизи яқинидаги сокин ва гўзал ҳаётга ошиқ бўла бошлайди.
Лойиҳада Хазиран ўз карьераси учун оролга боради, қаҳрамон у ерда иши ривожланиш учун ер сотиш бўйича музокаралар олиб бориши керак. Бироқ шу ернинг эгаси бўлган Пойразни шу ерда учратиб қолади. У савдо ҳужжатларини имзолаш ниятида эмас, бунинг учун Хазиран оролда қолиб, шаҳардан ташқарида ҳаёт қандай кетаётганини билишга мажбур бўлади.
“Масъулият” лойиҳаси
Ушбу сериал 2014 йилда турк киноижодкорлари томонидан суратга олинган. Унда бош ролларни Меҳмет Акиф Алакурт ва Ўзлем Йилмаз ижро этган. Лойиҳа 13 қисмдан иборат. Сериал воқеалари қадимги Угрюп шаҳрида содир бўлади. Бу ер сунъий ғорлар ва қадимги уйлари архитектурасини, замонавий қиёфа ва тарихий муҳитни ўзида мужассам этган жой.
Лойиҳа сюжет ида полиция операцияси пайтида хавфсизлик кучлари капитани Фират Оздер тасодифан бегуноҳ тинч аҳолини ўлдиради. Бўлиб ўтган воқеа унга тинчлик бермайди. У ўша инсоннинг қариндошларини топиб, ёрдам бермоқчи бўлади. Шундай қилиб, қаҳрамон марҳум Зелолнинг келини билан учрашади ва кутилмаганда уни севиб қолади.
“Севгилим, Алабора”
“Севгилим, Алабора” сериали 2015 йилда намойиш этилган. Унда бош қаҳрамонларни Кадир Доғулу ва Элчин Сангу гавдалантирган. Лойиҳа 4 қисмдан иборат. Сериал жуда кам қисмдан иборат, кўпчилик томошабинлар “Севгилим, Алабора”га яна имконият берилиши керак эди, деган фикрга қўшилди. Аммо рейтинглар пастлиги сабабли, сериал атиги 4 та қисмдан сўнг якунланди. Суратга олиш ишлари табиий гўзаллиги билан диққатни тортадиган Муғла шаҳрида бўлиб ўтди.
.jpg)
Ҳудудда бир нечта саҳналар суратга олинди. Суратга олиш учун энг кўп фойдаланилган жойлар Карабортлен қишлоғи ва Кўйчегиздаги кўл бўйидаги отхона эди. Сериал тақиқланган севги мавзусига бағишланган. Сюжет га кўра, қиз оиласи танлаган инсон билан бирга бўла олмаслигини тушуниб, яхши кўрган инсони билан қочишга қарор қилади.
“Қирғоқ” сериали
“Қирғоқ” сериали 2013—2015 йилларда намойиш этилган. Унда бош қаҳрамонлар ролини Чағатай Улусой ва Серенай Сарикая гавдалантирган. Лойиҳа 77 қисмдан иборат. Бу сериални ҳақли равишда афсонавий деб аташ мумкин. Лойиҳада жуда кўп истеъдодли актёрлар иштирок этган. Мелодраманинг суратга олиш жараёнлари Мармара денгизи бўйида жойлашган Истанбул ҳудудида бўлиб ўтди. Бу қайиқ ва яхталар учун тўхташ жойи, фавворали ҳовузлар ва ўйин парки бўлган катта майдон ҳисобланади.
Яман меҳнат ва ўқишнинг уддасидан чиққан йигит. Қаҳрамоннинг болалиги оғир кечади, бироқ у ёшлигида ҳам қийинчиликларга дош бера олади. Унга бу борада акаси ўрнак бўлади. Бироқ айнан Кенан туфайли Яман хавфли вазиятга тушиб қолади, шундан сўнг уни ҳибсга олишмоқчи бўлишади. Яман йўлда адвокат Селим Серезни учратиб қолади.
“Осиё” сериали
“Осиё” сериали 2007—2009 йилларда томошабинларга тақдим этилган. Лойиҳада бош ролларни Туба Буюкустун ва Мурат Йилдирим ижро этган. Лойиҳа 71 қисмдан иборат. “Осиё” сериалининг суратга олиш ишлари Туркиянинг энг машҳур жанубий шаҳри – Антакяда бўлиб ўтган. Бу жой тоғлар ва унумдор водийлар билан ўралган.
Сюжет га кўра, Осиё деярли банкрот бўлган ва оиласини боқа олмаётган деҳқоннинг қизи. У оилавий шароити яхшиланиши учун ҳамма нарсага тайёр бўлади. Гўзал Осиё ҳам худди отаси каби шу заминга боғланган. У табиат, ернинг тилини чуқур ҳис қилади ва тушунади. Ҳатто унга худди шу ҳудудда оқиб ўтадиган ва афсонага кўра сувни қайтариб олиб келадиган Осиё дарёси туфайли шу исм қўйилган. Кунлардан бир кун Осиё Демир билан учрашади. Бу учрашув сўнгги умид бўлиб туюлади, бироқ кейинчалик уларнинг оилалари яширадиган кўплаб сирлар ошкор бўлади.
“Эйлулнинг кичик муаммоси” фильми
Ушбу 2014-да суратга олинган, унда бош ролларни Фараҳ Зейнеп Абдулла ва Энгин Акюрек гавдалантирган. Суратга олиш ишларининг асосий қисми Эгей денгизининг шимолий қисмида жойлашган Бўзжаада оролида бўлиб ўтган. Сюжет да бахтсиз ҳодисадан кейин Эйлул исмли қаҳрамон ҳаётининг сўнгги ойидаги воқеаларни унутади.
Атрофдагилар, дўстлари ва оиласи унга ҳеч қандай муаммо йўқлигини айтишса-да, Эйлул ёлғон гапираётганидан шубҳаланади. У фақат ўз инстинктларига қулоқ тутиб, оролга боришга мажбур бўлади ва у ерда тасодифан нотаниш инсонни учратади ва улар бир-бирини севишганлар эканига ишонтиради.
Изоҳ (0)