“Соҳибжамол ва махлуқ” эртагининг туркча варианти — “Муҳаббат афсонаси” сериали ва унинг қаҳрамонлари ҳақида нималар маълум?

Жорий йилнинг баҳорида янги турк сериали “Муҳаббат афсонаси”нинг премьераси бўлиб ўтди ва илк қисмлариданоқ кўплаб томошабинларни лол қолдирди.

“Муҳаббат афсонаси”: янги сериал нима ҳақида?

Режиссёр Али Балжи “Соҳибжамол ва махлуқ” қиссасининг янги версиясини суратга олишга қарор қилди. Фильм воқеалари шафқатсиз ва жаҳлдор йигит — Гулжамол Шаҳин (Мурат Юналмиш) яшайдиган Болу номли кичик шаҳарчада юз беради.

Бироқ қаҳрамон турли сабабларга кўра шундай одамга айланган. Болалигида синглиси Гуландом билан онаси Зафер томонидан ташлаб кетилгани учун ҳам Гулжамол жуда эрта ёшда дунёни пушти кўзойнакциз кўра бошлаган. У ҳаммадан нафратланади, барча муваффақиятсизликлари ва муаммолари учун қариндошларини айблай бошлайди. Онаси эса бир қилмишидан кейин ўғлини кечиролмайди.

Вақт ўтиши билан Гулжамол она шаҳрини тарк этади, лекин шунга қарамай, уни ранжитган одам — онасини ҳаётини барбод қилиш ва қариндошлари билан бирга бўлиш учун қайтишга қарор қилади. Бош қаҳрамон шундай қиладики, онасининг борадиган жойи қолмайди ва у охир-оқибат унга ёрдам сўраб мурожаат қилади. Лекин у ҳам ўғлининг барча “заиф томонларини” билади ва курашни тўхтатмоқчи эмас.

Фильм сюжет ига кўра Гулжамол болаликдан тўпланиб қолган аламларини тезда ҳал қиладигандек кўринади, аммо ундай эмас. Тақдир уни ипак бўяш бўйича мутахассис Дева Наккашоғлу (Мелис Сезен) исмли мафтункор ва шаддод қиз билан учраштиради.

Маълум бўлишича, у Зафернинг қўлида ишлайди ва тўйга ҳозирлик кўраётганда Гулжамолнинг душманлари маросимни ўтказишга рухсат беришмаган. Айнан шу гўзал қиз Дева қаҳрамоннинг қалбини эритиб юборади. Энди унинг олдида иккита йўли бор — оилавий қасосини давом эттириш ёки барча аламларни унутиб, бахтли бўлиш.

Нега сериал турлича баҳоланмоқда?

Албатта, бу турк сериали ҳам бошқа классик сериалларга ўхшайди, аммо томошабинлар қаҳрамонлар мутлақо нотўғри танланганлигини даъво қилмоқдалар:

“Мен қасос оладиган турк эркакларини ёқтирмайман. Улар “Беқарор”даги каби аянчли ва фарқига бормай қасос олади; “Бошқаларни билмадим-у, лекин менга Дева Гулжамолдан ҳам ёмонроқдек туюлди. У телба ва ўзини бошқаролмайдиган хонимчага ўхшайди”; “Девани ўйнаган актрисанинг ўрнига бошқа актрисани қўйган бўлардим. Масалан, Афра Сарачоғли, у ёқимтойроқ. Ҳозирги актриса эса бутун сериални бузган”.

Қизиқарли фактлар

• Серкан Чаёғлу бош қаҳрамон бўлиши керак эди, аммо у сериалнинг шафқатсиз сюжет и туфайли ўйнашни хоҳламайди. Томошабинлар Мурат Юналмишни “Қуш қанотидаги севги”, “Бир пайтлар Чукуровада” ва “Телба юрак” фильмларидан танишади.
• Мелис Сезен “Садоқатсиз” сериалидаги роли туфайли машҳурликка эришган.
• Суратга олиш ишлари Туркиядаги вайронкор зилзилалар туфайли тўхтатилганди. Шунинг учун “Гулжамол” режалаштирилган санадан бир оз кечроқ чиқди.
• Сериал сценарийси аввал “Беқарор” ва “Азиз ”сериалида ишлаган Эда Таэзжан томонидан ёзилган.
• Зафер ролини “Беқарор” сериалида худди шундай ролда суратга тушган Айда Аксел ижро этган.