Турк сериалларининг машҳурлиги бутун дунё эътиборини мазкур ўлкага қаратди ва улардаги актёр, актрисалар миллионлаб мухлислар қалбидан жой олди. Машҳур турк актёрлари орасида кинода катта муваффақиятга эришган бўлса-да, шахсий ҳаётида ўз бахтини учратмаганлари ҳам бор. Қуйида Туркиянинг ҳали ўз севгисини топа олмаган машҳур актёрлари ҳақида сўз боради.
Керем Бурсин
“Эшигимни қоқ” сериали юлдузи Керем Бурсин ҳозиргача бўйдоқлар сафида қолмоқда. Ўтган йили ушбу сериалдаги Серкан Болат роли ижрочиси туркиялик энг машҳур актёр унвонига сазовор бўлган эди. Актёр суратга олиш жараёнларидан ташқари спортга, моделлик ва саёҳатга қизиқади.
Керем ҳаётдаги ҳамроҳини топишга шошилмаяпти, унинг сўзларига кўра, у муносабатлар учун кимнидир излашдан кўра ёлғиз қолишни афзал кўради. Керем суратга олиш майдончасидаги ҳамкасби Ҳанде Эрчел билан ажрашгандан сўнг, унинг шахсий ҳаёти ҳақида расман тасдиқланган маълумотлар ҳали номаълим.
Бир мунча вақт аввал ижтимоий тармоқларда машҳур турк актёрининг блогер Мухтор Алгул билан муносабатда бўлганлиги ҳақида маълумотлар тарқалди, бироқ Керемнинг вакили унинг юраги бўш эканлигини айтган.
Актёрнинг даромади ҳайратланарли даражада. У 2022 йилда 3 412 000 доллардан кўпроқ даромад олган. Бундан ташқари, актёр вақти-вақти билан шахсий бойлигини оширишни режалаштирмоқда — у продюсерлик компанияси билан шартнома имзолади ва ўз лойиҳасини ишлаб чиқишга қарор қилди.
Али Эрсан Дуру
Али Эрсан Дуру сўнгги йилларда “Эшигимни қоқ” мелодрамаси ва “Сўйла, Қораденгиз” триллери каби машҳур лойиҳаларда иштирок этди.
Келишган актёрнинг шахсий ҳаётига келсак, у кўплаб машҳур ҳамкасблари билан муносабатда бўлган, улардан бири — Александра Никифорова.
.jpg)
Бунга ижтимоий тармоқларда тарқалган кўплаб фотосуратлар ва экрандаги актёрларнинг ишонарли ижролари сабаб бўлди. Бироқ мухлисларнинг умидлари амалга ошмади — санъаткорлар улар ўртасида фақатгина мустаҳкам дўстлик ва бир-бирларига чексиз ҳурмат борлигини айтди.
Актёрнинг умумий бойлиги 2021 йилда 5 миллион доллардан ошган.
Алп Наврўз
Ёш актёр ҳозир унинг ҳаётидаги муҳим аёл ҳали ҳам онаси эканлигини айтган. Алпнинг сўзларига кўра, унинг партнёрлари етарли эди, бироқ уларнинг ҳеч бири актёрнинг қалбидан мустаҳкам жой ололмади.
Бундан ташқари, ҳозирда Алп муҳаббатни эмас, балки ижодий жиҳатдан ривожланишни афзал кўради. У фильмга суратга тушишдан ташқари, ёзувчиликка ҳам эътибор беради, бу уни шунчалик ўзига тортадики, у тез-тез иш жойини ўзгартириш ҳақида ҳазил қилади.
Бундан ташқари, келишган турк актёри янги мақсадлари сари илдамламоқда — унинг даромади ҳар бир сериал қисми учун 2 500 доллардан 5 300 долларгача ўсди.
Энгин Акюрек
“Бир севги, икки ҳаёт” романтик комедияси актёрининг шахсий ҳаёти ҳақида ҳеч қандай маълумот йўқ.
У кўп марта муносабат қурган: турли таблоидларнинг тахминларига кўра, Энгин суратга олиш майдончасидаги партнёрлари билан ҳам, бошқа ижодий касблардаги қизлар билан ҳам муносабатда бўлган. Масалан, актёрнинг модел Невбаҳар Доюран билан муносабатлари ҳақида миш-мишлар тарқалган.
Ҳатто актёр ўз севгилиси билан оммавий ахборот воситаларининг эътиборига тушмаслик учун Истанбулнинг Осиё қисмида учрашишни афзал кўрган. Бироқ тахминларнинг ҳеч бири тасдиқланмади, шунинг учун Акюрек ҳамон бўйдоқ турк актёрлари рўйхатида туради.
Энгиннинг даромади унга ҳаётдан тўлиқ завқ олиш имконини беради, актёр Санжар ролини ўйнаган лойиҳанинг ҳар бир эпизоди унга тахминан 12 минг доллар олиб келган.
Меҳмет Акиф Алакурт
“Куч” сериалидаги илк ролидан сўнг катта машҳурликка эришган актёр моделлик соҳасини тарк этди. У суратга олиш жараёнларидан олдин турк ва жаҳон подиумларини фаол равишда забт этиб, “Дунёнинг энг яхши модели” унвонларини олди.
Узун бўй, харизма ва ташқи жозибадорлик барча мамлакатлардаги мухлислар эътиборини тортади. Вақти-вақти билан турк матбуотида актёрнинг ҳамроҳлари ҳақида маълумотлар пайдо бўлади, бироқ уларнинг барчаси ҳам тасдиқланмайди. Энг кучли миш-мишлардан бири, “Куч” сериалида бош ролни ўйнаган Меҳмет ва Жансу Дере ўртасидаги мавжуд бўлмаган муҳаббат эди. Суратга олиш майдончасидаги ишончли актёрлик маҳорати оммавий ахборот воситалари ва мухлисларнинг муҳокамасига сабаб бўлди, бироқ ҳақиқий ҳаётда уларнинг муносабати давом этмади.
Алакурт идеалидаги аёл ҳақидаги саволларга жавоб берар экан, модел ёнида қийин пайтларда уни қўллаб-қувватлайдиган ва кўнглини кўтарадиган муносиб инсонни кўришни хоҳлашини айтган.
Алакуртнинг даромади юқори, аммо актёр ўта беқарор — моделнинг ҳамкасбларига нисбатан қўполлиги нафақат унинг обрўсига, балки ҳамёнига ҳам зарар етказади. Актёр лойиҳаларнинг бир эпизодида суратга тушгани учун тахминан 2 000-2 500 доллар даромад олади.
Изоҳ (1)
Nima qilsin xalq bosgqa joydan ololmasa moshinani