Лара ва Лили Коли — Марьям Узерлининг қизлари
2013 йилда Марьям “Муҳташам юз йил”ни тарк этди. Кўпчилик актрисани ҳомиладор деб ўйлади, чунки бир оздан сўнг унинг қизи Лара туғилди. Кейинчалик Узерли руҳан чарчаганини, шунинг учун лойиҳани тарк этганини маълум қилди.
Актриса биринчи фарзандининг отаси турк тадбиркори Жан Атеш билан оила қура олмади. 2021 йил бошида актрисанинг америкалик тадбиркордан Лили Коли исмли қизи дунёга келди. Катта қизи Лара онасига синглисини тарбиялашда ёрдам беради. Айтганча, кўплаб мухлислар Лара Марьямга жуда ўхшашлигини таъкидлайди.
Ализе — Ваҳиде Перчиннинг қизи
Ёши улғайган Хуррам Султон ролини ўйнаган актрисанинг Ализе исмли бир қизи бор. Қиз 1994 йилда Ваҳиденинг актёр Алтан Гердюм билан никоҳидан туғилган. Ализе ҳам ота-онаси сингари ҳаётини кино билан боғлашга қарор қилди, аммо ҳозиргача у таниқли роллар ижро қилмаган. Эслатиб ўтамиз, Перчин ва Гердюм 20 йилдан ортиқ бирга яшаб, 2013 йилда ажрашишга қарор қилган.
Элиса Гюзин — Нур Феттаҳўғлунинг қизи
Нур кинога биринчи турмуш ўртоғи Мурат Айсан туфайли кириб келган. 2011 йилда жуфтлик ажрашди ва бир неча йил ўтгач, актриса туркиялик тадбиркор Левент Везиргўлу билан турмуш қурди.
Бир оз вақт ўтгач, жуфтлик ажралишга қарор қилганди, лекин охир-оқибат улар оилани сақлаб қолишга муваффақ бўлди. 2016 йилда Нур ва Левентнинг Элиса Гюзин исмли қизи дунёга келди.
Али Демир ва Жан Эюп — Пелин Караханнинг ўғиллари
2014 йил Меҳримоҳ Султон ролини ижро этган Пелин спорт клубида тадбиркор Бедри Гунтай билан танишган. Ўша йили жуфтлик турмуш қурди ва ўғли Али Демир дунёга келди. Бир йил ўтгач, бола машҳур онаси билан бирга тагликлар рекламасида иштирок этди.
2017 йилда Карахан иккинчи марта она бўлишга тайёрланаётгани маълум бўлди. Ўша йилнинг март ойида у иккинчи ўғлини дунёга келтирди ва унга Жан Эюп деб исм қўйди. Актриса болаларни мухлисларидан яширмайди ва уларнинг суратларини тез-тез ўз саҳифасига жойлаштиради.
Каран ва Керем — Бурак Ўзчивитнинг ўғиллари
Бурак “Чолиқуши” сериали суратга олиш майдончасида актриса Фаҳрие Эвжен билан танишди. Аммо уларнинг орасида ишқий муносабат бошланмади, чунки актёр Жейлан Чапа билан учрашарди. Аммо кейинчалик Ўзчивит ва Эвжен яна суратга олиш майдончасида учрашди — улар “Севги сенга ўхшайди” драмасида бош ролларни ижро этди.
Ушбу лойиҳадан кейин улар жуфтликка айланди. 2017 йилда уларнинг никоҳи бўлиб ўтди — Туркияда бу “Йил тўйи” деб аталди. Икки йил ўтгач уларнинг оиласида Каран исмли ўғил дунёга келди ва у отасига жуда ўхшайди. 2023 йилда жуфтлик яна бир ўғилли бўлди. Чақалоққа Керем деб исм қўйилди.
Изоҳ (0)