Фото: «Муҳташам юз йил» сериали юлдузларининг ўзига қуйиб қўйгандек ўхшайдиган фарзандлари

«Муҳташам юз йил» сериали 2014 йилда якунига етган бўлишига қарамай, ундаги қаҳрамонлар ролини ижро қилган актёр ва актрисалар шахсий ҳаёти мухлислар учун ҳали ҳамон қизиқ.

Халит Эргенч

Султон Сулаймон роли билан яхши таниш бўлган актёр ва унинг рафиқаси Бергузар Корел шахсий ҳаётини оммага эълон қилишни ёқтирмайдиганлардан. Айнан шу сабаб ҳам уларнинг 2020 йил март ойида дунёга келган фарзандининг сурати ижтимоий тармоқ фойдаланувчилари учун қизиқлигича қолмоқда. 2021 йилнинг февраль ойида 11 ёшни қаршилайдиган катта ўғли Алининг эса ота-онаси билан Истанбул кўчаларида юргани акс этган фотолар йўқ эмас. Мухлислар томонидан отасига қуйиб қўйгандек ўхшатиладиган Али ҳақида гап кетганда Халит унинг ўта қизиқувчан экани, актёрлик карьераси ҳақида эса ўйлаб кўрмаганини айтади.

Марям Узерли

Яқинда иккинчи марта она бўладиган Марям ҳали ҳамон боласининг отаси ким эканлигини сир сақламоқда. 2021 йилнинг февралида 8 ёшга тўладиган Лара эса онасига икки томчи сувдек ўхшайди. Онасининг айтишича, қизида актрисалик қобилияти йўқ эмас.

Нур Феттахўғлу

Нур ва турмуш ўртоғи Левент Везирўғлунинг Элиса исмли қизи бор. Актриса ижтимоий тармоқларда 2016 йилда дунёга келган қизининг суратларини жойлаб боради. Коронавирус сабаб эълон қилинган пандемия вақтида актриса доимгидан ҳам кўпроқ вақтини қизининг тарбиясига бағишланган.

Пелин Қорахон

Актриса илк бор 2014 йилда фарзандли бўлган ва унга Али Демир деб исм қўйган. Иккинчи ўғли Жан Аюп эса 2017 йилда дунёга келган.

Бурак Ўзчивит

«Муҳташам юз йил»да иккинчи даражали рол ижро қилганига қарамай, Бурак Туркиянинг энг талабгир актёрларидан саналади. Актриса Фахрия Эвжен билан турмуш қурган актёрнинг Каран исмли уч ярим яшар ўғли бор. Караннинг суратини кўрган мухлислар уни отасига қуйиб қўйгандек ўхшашини таъкидлайди.