Биз бу турк актёрларини яхши кўрамиз ва улар ҳақида жуда кўп нарсаларни биламиз. Бироқ бугун биз нафақат юлдузларга, балки уларнинг ака-ука ва опа-сингилларига ҳам эътибор қаратамиз.
Бурак Ўзчивит
“Чолиқуши”, “Ҳукмдор Усмон”, “Муҳташам юз йил” ва бошқа сериаллар юлдузининг Буржун исмли опаси бор. Қиз Буракдан беш ёш катта, у ёшлигидан фотографияга қизиқади. Буржун моделлик карьерасини танлаган: у кўпинча машҳур журналлар муқовасига суратга тушади, бир вақтнинг ўзида хайрия билан шуғулланади — у Истанбул саратонга қарши кураш фондига ёрдам беради.
Буржун Ўзчивит турмушга чиққан, лекин ҳозирда ажрашган. Бу никоҳдан унинг Ачеля исмли қизи бор (бу йил у 7 ёшга тўлади). Мухлисларнинг ишончи комилки, Бурак ва Буржун ўртасидаги 5 ёш фарқ бўлмаганида, уларни албатта эгизаклар деб ўйлашарди.
Хазал Филиз Кучукессе
36 ёшли туркиялик актриса “Севги изтироби” ва “Қаҳратон” лойиҳаларидан сўнг машҳур бўлди. У актёрликдан ташқари эгизак синглиси Дениз сингари моделликка ҳам қизиқади.
Дениз жамоатчиликка унчалик аралашмайди, интервьюлардан қочишга ҳаракат қилади. Хазал ва синглисининг бирга тушган фотосуратларини камдан-кам кўриш мумкин.
Каан Урганжиўғлу
42 ёшли Кааннинг Жан исмли укаси бор. Ёш фарқига қарамай (9 ёш), йигитлар доимо гаплашадиган умумий мавзу топилади. Кичик Урганжиўғлу бизнес маслаҳатчиси бўлиб ишлайди. У вақти-вақти билан фильмларда роль ижро этади (масалан, у Каан билан “Севги изтироби” телесериалида эпизодик роль ўйнаган) ва мода журналлари учун суратга тушади. Урганжиўғлининг мухлислари унинг Жанга ўхшашлигига қойил қолишади.
Ўзге Яғиз
Ўзгенинг Эзги исмли опаси бор. У турмушга чиққан ва 2019 йилда Эмир исмли ўғилнинг онаси бўлган. Иккала қиз ҳам гўзалликда бир-биридан қолишмайди, шунинг учун ҳар бирининг кўплаб мухлислари борлиги ажабланарли эмас.
Кадир Доғулу
Неслиҳан Атагулнинг турмуш ўртоғи Кадирнинг учта акаси ва бир опаси бор, унинг акаси Камол ҳам Туркияда машҳурликда укасидан кам эмас — у мода стилисти, бошловчи ва мусиқачи.
Неслиҳан Атагул
Неслиҳаннинг ўзидан 7 ёш катта Илкай исмли акаси бор. У синглисидек машҳур эмас, шунинг учун имкон қадар оммавий ахборот воситаларининг эътиборидан четда туришни афзал кўради. Акасининг икки фарзанди бор, уларнинг суратларини ўз блогида улашади.
Ҳанде Эрчел
Ғамзе Эрчел Ҳандедан бир ёш катта. У Мимар Синан номидаги тасвирий санъат университети битирувчиси бўлиб, у ерда тўқимачилик дизайни бўйича таҳсил олади. У ҳатто 2018 йилда ўзининг Wе Аре Flowers номли шахсий брендини ишга туширишини эълон қилганди.
Ғамзе Туркиядаги энг муваффақиятли блогерлардан бири. Шу билан бир қаторда, у бахтли рафиқа ва она. Эрчел 2019 йилда меъмор Жанер Йилдиримга турмушга чиқади ва ўша йилнинг декабрь ойида она бўлади. Бола туғилишидан бир оз олдин опа-сингилларнинг онаси саратон касаллигидан вафот этган, шунинг учун Ғамзе қизига бувиси — Айлин Мави исмини қўйган.
Марьям Узерли
“Муҳташам юз йил” сериали юлдузининг акалари ва ўзидан 2 ёш катта Жанан исмли опаси бор. Айнан опаси билан Марьям жуда яқин. Опаси ҳам ижодкор, лекин у кино ўрнига мусиқани танлаган. Жанан Узерли асосан турк тилида қўшиқлар ижро этувчи ва Германияда машҳур бўлган жазз хонандаси.
Эсра Билгич
“Эртуғрул” ва “Рамо” сериаллари юлдузи Али исмли укаси борлиги билан фахрланади. Эсра тез-тез у билан суратга тушади ва укаси борлиги учун жуда бахтли эканлигини айтади. Актрисанинг мухлислари уларнинг бир-бирига ўхшашлигини таъкидлашади.
Изоҳ (0)