“Реал Мадрид” ҳужумчиси Винисиус Жуниор бу йилги “Олтин тўп”ни қўлга киритиши мумкинлиги ҳақидаги саволга жавоб берди.
“Ҳамма “Олтин тўп” ҳақида гапиряпти, лекин мен жуда хотиржамман. Бу жамоа билан яна Чемпионлар Лигасида ғалаба қозонишни истайман. Бу мавсумда мен катта муваффақиятларга эриша оламан, кейин эса Америка Кубоги учун Бразилия терма жамоасига боришим мумкин. Мен ҳар доим биринчи навбатда жамоа ҳақида, кейин эса ўзим ҳақимда ўйлайман”, — дея Винисиуснинг сўзларини келтиради Goal нашри.
Жорий мавсумда Винисиус барча мусобақаларда 36 та учрашувда қатнашиб, 21 та гол ва 11 та голли узатмани амалга оширди. Transfermarkt интернет портали футболчининг бозор нархини 150 миллион еврога баҳолаган.
“Олтин тўп”га яна бир даъвогар — Беллингем 39 та ўйин ўтказиб, 22 та гол урган ва 10 та голли узатмани амалга оширган. Футболчининг тахминий нархи 180 миллион еврони ташкил қилади.
Изоҳ (0)