“Глобал инфляция пасайишда давом этмоқда ва қаттиқ пул-кредит сиёсати жаҳон иқтисодиётига айтарли путур етказмади”, деди Халқаро валюта жамғармаси (ХВЖ) бошқарувчи директори Кристалина Георгиева.
Шу билан бирга, у “қувониш учун ҳали эрта”, дея таъкидлади, чунки инфляция секинлашаётган бўлса-да, нархлар янги, юқори даражаларда мустаҳкамланмоқда.
Георгиева томонидан эълон қилинган ХВФ прогнозига кўра, глобал инфляция ўтган йилнинг тўртинчи чорагидаги 5,7 фоиздан жорий чоракда 5,3 фоизга ва келгуси йилнинг тўртинчи чорагида 3,5 фоизгача пасаяди. Шу билан бирга, иқтисодиёти ривожланган мамлакатларда истеъмол нархлари ўсишининг секинлашиши тезроқ содир бўлади.
“Дунё ҳозир паст ўсиш ва юқори қарз траекториясига ўтмоқда, деди Георгиева Вашингтонда бўлиб ўтган ХВЖ ва Жаҳон банкининг йиллик йиғилишида сўзлаган нутқида. — Биз келгуси беш йил ичида глобал ялпи ички маҳсулот суст суръатда, йилига ўртача 3,2 фоизга ўсишини башорат қилмоқдамиз”.
Шу билан бирга, давлатлар қарзининг глобал кўрсаткичи ўсишда давом этади, деб кутмоқда ХВЖ. Ташкилот экспертлари глобал давлат қарзи ХВФнинг базавий прогнозидан глобал ялпи ички маҳсулотнинг 20 фоизига тенг миқдорда ошиб кетиши хавфини кўрмоқда ва бундай сценарийни “оғриқли, аммо асосли” деб атади.
“Ўсиб бораётган фоиз тўловлари бюджет даромадларининг тобора ортиб бораётган улушини ўзлаштирмоқда, айниқса, паст даромадли ва ривожланаётган бозор мамлакатларида. Буларнинг барчаси йиғилиб қолган харажатларга бўлган эҳтиёж фонида рўй бермоқда”, деди Георгиева.
Изоҳ (0)