2024 йилнинг январь–июнь ойлари якунларига кўра, аҳоли жон бошига ҳисобланган ялпи ички маҳсулот ҳажми жорий нархларда 15 347,9 минг сўмни (ёки 1 221,3 АҚШ доллари эквивалентида) ташкил этган. Бу ҳақда Статистика агентлиги хабар берди.
Маълумот учун, 2023 йилнинг январь–июнь ойларида ушбу кўрсаткич 13 088,6 минг сўмни (ёки 1 149,3 АҚШ доллари эквивалентида) ташкил этган.
![](/static/2024/08/20/vvp-JyNW-UAD.jpg)
Жорий йилнинг июль ойи охирида Халқаро валюта жамғармасининг баҳолашига кўра, 2023 йилда Ўзбекистон Республикасининг номинал ЯИМ ҳажми 125,6 триллион сўмга (10,7 миллиард долларга) ошгани ва 1 192,2 триллион сўм (101,6 миллиард доллар)ни ташкил этгани хабар қилинганди.
Тадқиқот республика бўйича 14 та ҳудудда олиб борилган: хусусан, 2023 йилнинг июль август ойларида Халқаро валюта жамғармаси (ХВЖ) техник кўмак миссияси жалб этилиб, Қорақалпоғистон Республикаси, вилоятлар ва Тошкент шаҳрида жами 165 та туман бўйича 7 мингдан зиёд уй хўжаликларининг яшаш ва овқатланиш, транспорт, маданият, таълим, соғлиқни сақлаш ва бошқа хизматларига харажатлари сўровнома асосида ўрганилган.
Изоҳ (0)