Хитой, Бразилия ва жаҳон жанубидаги бир қатор давлатлар Украинадаги урушнинг тез суръатда тўхташи тарафдори, бунинг учун "оловга мой сепишни" бас қилиш керак.
Бу ҳақда Хитой етакчиси Си Цзиньпин BRICS саммитининг кенгайтирилган таркибдаги йиғилишида айтиб ўтди.
"Украина инқирозининг чўзилиши шароитида Хитой, Бразилия ва жанубдаги мамлакатлар "тинчлик тарафдорлари" гуруҳини яратдилар. Бу тинчликни қўллаб-қувватлаш учун кўп сонли овозларни бирлаштиришга қаратилган бўлиб, можаронинг географик кўлами кенгайишига йўл қўймаслик, унинг учинчи томонга тарқалишининг олдини олиш, шунингдек, жанговар ҳаракатларни кучайтиришдан бош тортиш ва "оловга мой сепиш"дан тийилиш тамойилларига асосланади”, деб таъкидлади Хитой раҳбари.
Айни пайтда Қозон шаҳрида BRICSга аъзо давлатлар иштирокида навбатдаги саммит бўлиб ўтмоқда. Саммит эртага ҳам ўз ишини давом эттиради.
Изоҳ (0)