Фаластин Қозондаги ташкилот саммитидан сўнг БРИКСга аъзо бўлиш сўровини юбориши мумкин. Бу ҳақда Фаластиннинг Москвадаги элчиси Абдулҳафиз Нофал маълум қилди.
![](/static/2024/08/26/photo_2024-08-26_21-10-42-8d6Ev7fC.jpg)
“Саммитдаги биринчи иштирокимиздан сўнг биз ушбу уюшмага аъзо бўлиш учун сўров юборамиз”, дейди у.
Нофалнинг таъкидлашича, Россия президенти Владимир Путин Фаластин етакчиси Маҳмуд Аббосга БРИКС саммити доирасида тўлиқ Фаластинга бағишланган сессия бўлишини ваъда қилган. Дипломат саммитдан ижобий умидлар борлигини қайд этган.
Аввалроқ Нофал Путин Аббосни Қозондаги БРИКС саммитига таклиф қилгани, бироқ Фаластин президентининг саммитда иштирок этиши ҳозирча аниқ эмаслигини айтган. Бироқ у Фаластин томони иштирок этиш ниятида эканини маълум қилган. Дипломатнинг сўзларига кўра, саммитга Фаластин бош вазири Муҳаммад Мустафо ҳам келиши мумкин.
БРИКС — норасмий давлатлараро уюшма бўлиб, ҳозирда 10 та давлатни ўз ичига олади. У 2006 йилда Россия ташаббуси билан ташкил этилган, унинг асосчилари Бразилия, Россия, Ҳиндистон, Хитой ва Шимолий Африка давлатлари номидаги бош ҳарфларнинг инглизча қисқартмаси асосида BRICS бўлиб шаклланган.
Ташкилотнинг асосий мақсади – ҳар бир давлатда молиявий ва ижтимоий барқарорликни таъминлаш, ўзаро манфаатли ҳамкорлик платформасини яратишдан иборат. БРИКС турли географик жойлашувга эга бўлган мамлакатларни бирлаштиргани боис, бу ҳамкорликнинг трансконтинентал кўламини белгилайди.
Изоҳ (0)