Xitoy, Braziliya va jahon janubidagi bir qator davlatlar Ukrainadagi urushning tez sur'atda to‘xtashi tarafdori, buning uchun "olovga moy sepishni" bas qilish kerak.
Bu haqda Xitoy yetakchisi Si Szinpin BRICS sammitining kengaytirilgan tarkibdagi yig‘ilishida aytib o‘tdi.
"Ukraina inqirozining cho'zilishi sharoitida Xitoy, Braziliya va janubdagi mamlakatlar "tinchlik tarafdorlari" guruhini yaratdilar. Bu tinchlikni qo'llab-quvvatlash uchun ko'p sonli ovozlarni birlashtirishga qaratilgan bo‘lib, mojaroning geografik ko‘lami kengayishiga yo‘l qo‘ymaslik, uning uchinchi tomonga tarqalishining oldini olish, shuningdek, jangovar harakatlarni kuchaytirishdan bosh tortish va "olovga moy sepish"dan tiyilish tamoyillariga asoslanadi”, deb ta'kidladi Xitoy rahbari.
Ayni paytda Qozon shahrida BRICSga a’zo davlatlar ishtirokida navbatdagi sammit bo‘lib o‘tmoqda. Sammit ertaga ham o‘z ishini davom ettiradi.
Izoh (0)