Машҳур актёрларни нафақат мухлислари, балки онаси ҳам танимайдиган даражада ўзгартирган образлар (фото)

Либослар, грим ва компьютер графикаси баъзан шундай мўъжизалар яратадики, ҳатто бутун дунёга машҳур юлдуз актёрларни ҳам тўғридан-тўғри таний олмайди. Улар иштирокидаги фильмни бир неча марта томоша қилиб, шундан кейингина асосий ролни Киану Ривз, Винсен Кассел ёки Тэйлор Свифт ўйнаганини билиб олиш мумкин.

Киану Ривз – Ит-бола («Хунуклар»)

Бу Голливуд актёрининг биринчи роли эмас, лекин, шубҳасиз, энг ғайриоддийларидан бири. Ривз бу ерда ақлдан озган олимнинг қўлида яшовчи йиртқич ҳайвонлардан бирини ўйнади. Ушбу рол учун Киану 1 миллион доллар олди, гарчи у иштирокчилар рўйхатида мавжуд бўлмаса ҳам.

Райан Рейнолдс – Дедпул («Номаълум одамлар. Ибтидо. Росомаха»)

Райан Рейнолдс ҳар доим Дедпул ролини орзу қилган. Шу сабабли актёр бу персонаж «Номаълум одамлар» сценарийсида эълон қилинганини билгач, у ролни унга беришни илтимос қилиб, дарҳол кино ижодкорларига мурожаат қилди.

Гай Пирс – тадбиркор чол («Прометей»)

Режиссёр дастлаб ўша пайтда 83 ёшда бўлган Макс фон Сюдовни таклиф қилмоқчи эди. Аммо фильмда қаҳрамон ёшлиги кўрсатилган саҳна режалаштирилган. Шу сабабли Гай Пирс ролга чақирилди, гарчи кейинчалик худди шу эпизод сценарийдан олиб ташланган бўлса ҳам.

Билли Кристал – Сеҳргар («Малика келин»)

Грим усталарига образни яратишда ёрдам бўлиши учун Билли бувисининг суратларини олиб келган. Образ шу қадар кулгили бўлиб чиқдики, фильм режиссёри ҳар сафар Билли Кристал билан саҳналарни суратга олганларида суратга олиш майдончасини тарк этган. У жуда кулгили бўлиб қолган.

Дэвид Тюлис – Арес («Мўъжиза аёл»)

Фильм режиссёри Петти Женкинснинг сўзларига кўра, у картинанинг энг юқори нуқтасини бундай тасаввур қилмаган. Гарри Поттер фильмлари сериясидаги профессор Люпин ролидан барча эслаб қолган Дэвид Тюлис даҳшатли ниқоб кийиши керак эмас эди. Бироқ Warner Bros. образ айнан шундай бўлишини таъкидлаган.

Жиллиан Андерсон – омадсиз актриса («Сирли хонадон»)

Актрисанинг грими унчалик мураккаб кўринмаса-да, томошабинлар ўзларининг севимли актрисасини дарҳол танимади. Андерсон фильмдаги энг эсда қоларли қаҳрамонлардан бирига айланди. Танқидчилар ҳам, томошабинлар ҳам унинг ижросини ишончли деб топишди.

Роуз Макгоуэн – мушук кийимидаги официант («Маймун суяги»)

Ушбу фильм муваффақиятга эришмади, уни кўпчилик ҳар доим «Мафтункор» фильмидаги Пейж билан боғлайди. Танқидчилар ушбу комедия ҳақида жуда кўп салбий фикрлар билдирди. Шунга қарамай, Роуз ижобий ҳис-туйғуларни уйғота олди, унинг характери томошабинларга завқ келтирди.

Венсан Кассел – Махлуқ, («Соҳибжамол ва Махлуқ»)

Бу фильмда ҳам барча фильмларида бўлгани каби режиссёр Кристоф Ган визуал дизайнга катта эътибор берган. Шунинг учун махсус ниқоб яратишга жиддий киришилди. Аввалига у қўлда машаққатли тарзда яратилган, кейин эса рақамли технология ёрдамида Касселнинг юзига суртилган.

Хавер Бардем – кибержиноятчи  («007: Скайфолл координаталари»)

Кастинг бошида Хавер Бардем режиссёр Сем Мендесга ўз қаҳрамонининг ташқи кўринишини, айниқса, соч ва кўз рангини ўзгартирмоқчи эканлигини айтади. Бардем суратга олишнинг биринчи кунида гримда суратга олиш майдончасига чиққанида, уни ҳеч ким танимади. Айтганча, актёрнинг сариқ сочлари парик. Тасвир учун сохта жағ ҳам ишлатилган.

Тэйлор Свифт – мушук («Мушуклар»)

Фильмдаги машҳур ижрочининг роли унчалик катта эмас, шунга қарамай, унинг ташқи кўриниши жуда эсда қоларли. Фильм кассаси унчалик яхши бўлмаса-да, Тэйлор Свифт «бу ғалати фильм»да суратга тушиш тажрибасидан афсусда эмаслигини тан олди.

Жонни Депп – эксантрик лейтенант («Тун бўлгунча»)

Жонни Депп ғайриоддий ўзгаришлар устаси. Аммо бу асл ролни кам одам эслай олади. Умуман олганда, Депп бу ерда ҳарбий офицер ролини ўйнаган. У аёл қаҳрамон кийимида қамоқхонага кириши ва у ерда бўлган кубалик ёзувчи Рейналдо Аренаснинг сўнгги романини олиб чиқиши керак бўлган.

 Мила Кунис – Теодора («Буюк ва даҳшатли Оз»)

2011 йилда актриса «Буюк ва даҳшатли Оз» фильмида ёвуз жодугар ролини ўйнади. У бирданига 2 та образда ҳаракат қилиши керак эди. Теодорага айланиш учун унга мураккаб грим қилинди.

Леди Гага – нуфузли итальян Патрисия Режани («Гуччи уйи»)

Фильмда Леди Гага ўз ҳаётини Гуччи уйи меросхўри Маурицио билан боғлаган оддий наслдан бўлган қиз Патрисия Режани ролини ўйнади. Леди Гага суратга тушишга жиддий тайёргарлик кўрди: 6 ой давомида у итальянча талаффуз билан гапирди, Патрисиянинг барча тасвирларини синаб кўрди. Кўпгина кинотанқидчилари унинг образини муваффақиятли бўлганини таъкидлади.